Malen, Maguire, Rashford, Greenwood, Yoro, Eriksen og fleiri góðir í slúðri dagsins
Fram
1
0
Keflavík
Kristinn Ingi Halldórsson '53 1-0
Hólmbert Aron Friðjónsson '89
19.09.2011  -  19:15
Laugardalsvöllur
Pepsi-deild karla
Aðstæður: Smá rigning en annars fínt veður
Dómari: Valgeir Valgeirsson
Áhorfendur: Ekki gefið upp
Maður leiksins: Kristinn Ingi Halldórsson
Byrjunarlið:
1. Ögmundur Kristinsson (m)
Halldór Hermann Jónsson
10. Orri Gunnarsson
11. Almarr Ormarsson
14. Hlynur Atli Magnússon (f)

Varamenn:
1. Denis Cardaklija (m)
21. Stefán Birgir Jóhannesson

Liðsstjórn:
Daði Guðmundsson

Gul spjöld:
Samuel Hewson ('75)
Halldór Hermann Jónsson ('59)

Rauð spjöld:
Hólmbert Aron Friðjónsson ('89)
Fyrir leik
Velkomin í beina textalýsingu Fótbolta.net frá leik Fram og Keflavíkur í Pepsi deild karla. Leikurinn hefst klukkan 19:15 en við höfum því miður verið í örlitlum tæknivandræðum. Vonum að það lagist.
Fyrir leik
Þessi umferð hefur verið eins og draumur í dós fyrir Framara fram að þessu. Öll liðin í kringum þá í fallbaráttunni töpuðu, en þeir geta komist í nokkuð góða stöðu, 18 stig, með sigri í dag. Þá eru ekki nema tvö stig í öryggið. Keflvíkingar eru með 21 stig og gætu sogast algerlega í fallbaráttuna ef þeir tapa. Þetta er því gífurlega mikilvægur leikur.
Fyrir leik
Þeir sem vilja tjá sig um leikinn á Twitter mega endilega nota hashtaggið #fotbolti, og vel valdar færslur birtast hér á síðunni.
1. mín
Leikurinn í Laugardalnum er hafinn.
3. mín
Framarar eiga flotta fyrirgjöf en Ómar nær naumlega að grípa inn í. Svo sækja Keflvíkingar og Framarar gera klaufarleg mistök í vörninni sem leiðir af sér hornspyrnu, en ekkert verður úr henni.
5. mín
Orri Gunnarsson er með ágætis fyrirgjöf sem ratar á kollinn á Steven Lennon en skalli hans er laus og endar beint í höndum Ómars. Ágætlega fjörugur leikur til að byrja með.
8. mín
Tveir góðir leikmenn Keflvíkinga eru í leikbanni. Guðmundur Steinarsson og Einar Orri Einarsson eru í leikbanni og því er Guðjón Árni Antoníusson í miðverðinum í dag. Arnar Gunnlaugsson er ennþá meiddur í liði Framara.
Örvar Arnarsson
Spái sigri Fram í Laugardalnum á eftir og að þeir setji ofurpressu á Bblik. #DrambErFalliNæst #Boijng #HefðuÁttAðStríðaHKMeira #fotbolti
15. mín
Lítið að gerast þessa stundina, en Keflvíkingar voru rétt í þessu að vinna hornspyrnu. Hún var að vísu mjög góð og Ísak Örn Þórðarson skallaði boltann rétt framhjá úr afbragðs færi. Hefði átt að skora þarna.
Þórhallur Guðjónsson
Eini leikurinn á tímabilinu sem Grindvíkingar halda með keflvíkingum (staðfest) #nagrannarigur #fallbaratta #redding #fotbolti
18. mín
Þarna fór Hilmar Geir Eiðsson með fínt færi. Boltinn barst til hans fyrir utan teig þar sem hann var í fínasta skotfæri en hann náði ekki að halda boltanum niðri og hann fór vel yfir markið. Keflvíkingarnir hafa verið aðeins hættulegri aðilinn hérna undanfairð.
22. mín
Halldór Hermann klúðrar dauðafæri!! Rétt eftir að ég sleppti orðinu með Keflvíkingana fóru Framararnir að sækja býsna grimmt og rétt í þessu fór Halldór Hermann hrikalega illa með upplagt marktækifæri. Almarr átti þá frábæra fyrirgjöf og Halldór var mættur til að skalla knöttinn en boltinn fór beint í fangið á Ómari markmanni Keflavíkur.
27. mín
Ertu ekki að grínast?!? Þarna varði Ómar virkilega vel frá sínum fyrrum liðsfélaga, Jóni Gunnari Eysteinssyni. Steven Lennon lagði boltann út í teiginn á Jón Gunnar sem var í sannkölluðu dauðafæri, en Ómar varði skot hans vel og hélt boltanum. Jón Gunnar hefði klárlega átt að gera betur en vel gert hjá Ómari engu að síður.
31. mín
Enn og aftur misnota Framarar dauðafæri! Steven Lennon komst einn gegn markmanni en skaut beint á Ómar sem varði í horn. Þeir eru ekki beint að gera honum erfitt fyrir.
34. mín Gult spjald: Andri Steinn Birgisson (Keflavík)
Fyrsta gula spjaldið hefur litið dagsins ljós, þó að dagsbirtan sé að vísu ekki mikil lengur. Flóðljósin redda því samt.
Davíð Örn Óskarsson
Ómar Jó án efa besti leikmaður Keflavíkur þetta tímabilið, ef ekki væri fyrir hann væri alvöru fall krísa í kefcity #fotbolti

Myndi nú alveg segja að það væri alvöru fallkrísa hvort heldur er..þeir eru ekki langt frá fallsæti ef þeir tapa í dag.
Daníel Geir Moritz
Jón Gunnar er online á Facebook. Skilaboðin fara í símann hans. Spurning um að senda honum að skora úr dauðafærum #fótbolti
45. mín
Flautað hefur verið til leikhlés í Laugardalnum. Ég ætla að rölta niður og fá mér súkkulaðiköku, við sjáumst í seinni hálfleik.
Runólfur Þórhallsson
Væri alveg til í að sjá Fram halda sér uppi á kostnað Grinda-/Keflavíkur #fotbolti #Suðurnesin #Drulluvík
46. mín
Tek undir með Hauki Harðarssyni hjá RÚV, þá getur veislan hafist á ný. Leikurinn er hafinn eftir pásuna og Framarar byrja með boltann.
50. mín
Enn og aftur ver Ómar, þetta skiptið var það þröngt skot frá Steven Lennon eftir hrikalegt klafs í teignum. Þarna voru Keflvíkingar klaufskir en heppnir að sleppa nmeð hornspyrnu.
53. mín MARK!
Kristinn Ingi Halldórsson (Fram)
Hvílíkt mark!!! Samuel Hewson kemur með frábæra sendingu á Kristin Inga Halldórsson sem keyrir áfram og þrumar í netið! Ómar í markinu hefði hugsanlega átt að gera betur, en engu að síður gríðarlega vel gert og vörnin algerlega sofandi! Eru Framarar að fara að bjarga sér??
59. mín Gult spjald: Halldór Hermann Jónsson (Fram)
60. mín Gult spjald: Viktor Smári Hafsteinsson (Keflavík)
62. mín
Inn:Arnór Ingvi Traustason (Keflavík) Út:Jóhann Birnir Guðmundsson (Keflavík)
Fyrsta skipting leiksins.
Brynjar Ingi Erluson
Framarar bjarga sér, ekki eins og það sé eitthvað nýtt þessi klúbbur veit bara hvað það er að berjast. #framhjartað #fotbolti
71. mín
Inn:Magnús Þórir Matthíasson (Keflavík) Út:Grétar Ólafur Hjartarson (Keflavík)
71. mín
Inn:Magnús Sverrir Þorsteinsson (Keflavík) Út:Ísak Örn Þórðarson (Keflavík)
Jón M. Bergsson
Það jafnast ekkert á við góða fallbaráttu í september! #framheldurséruppi #stórveldið #fotbolti
74. mín
Það hefur lítið verið að gerast undanfarnar mínútur en rétt í þessu kom Hilmar Geir Eiðsson sér þó í fínt skotfæri en skot hans fór beint á Ögmund sem varði.
75. mín Gult spjald: Samuel Hewson (Fram)
Hewson fær gult spjald fyrir að vera allt of seinn í tæklingu. Valgeir dómari lét leikinn halda áfram en flautaði svo brot, og ætlaði að spjalda Steven Lennon. Lennon fórnaði þó höndum og Hewson gaf sig fram.
78. mín
Ísak Örn var þarna við það að brjótast í gott skotfæri þegar hann keyrði inn í teiginn en Hlynur Atli Magnússon bjargaði með heimsklassa tæklingu. Frábærlega gert hjá Hlyni Atla.
88. mín
Inn:Hólmbert Aron Friðjónsson (Fram) Út:Samuel Hewson (Fram)
89. mín Rautt spjald: Hólmbert Aron Friðjónsson (Fram)
Þetta var stysta innkoma sögunnar. Hólmbert Aron fær að líta rauða spjaldið, því miður sá enginn fyrir hvað þetta var, en þetta hlýtur að hafa verið býsna ruddalegt? Hreint með ólíkindum, hann var varla inni á vellinum í mínútu!!
92. mín
Þvílík dramatík!!! Keflvíkingar fá hornspyrnu í uppbótartíma og Adam Larsson skallar í slána!! Framarar ná að bægja hættunni frá í aðra hornspyrnu sem Ögmundur kýlir í þá þriðju! Mark væri hrikalega óverðskuldað.
94. mín
Leiknum er lokið með verðskulduðum 1-0 sigri Framara eftir að það hafði legið vel á þeim í restina. Botnbaráttan er hér með opnuð upp á gátt dömur mínar og herrar. Fram er nú með 18 stig, Grindavík með 20 og Keflavík, Þór og Breiðablik öll með 21 stig! Þetta verða rosalegar lokaumferðir!
Byrjunarlið:
Ómar Jóhannsson
Guðjón Árni Antoníusson
Jóhann Birnir Guðmundsson ('62)
25. Frans Elvarsson

Varamenn:
11. Magnús Sverrir Þorsteinsson ('71)
20. Magnús Þórir Matthíasson ('71)

Liðsstjórn:

Gul spjöld:
Viktor Smári Hafsteinsson ('60)
Andri Steinn Birgisson ('34)

Rauð spjöld: