Malen, Maguire, Rashford, Greenwood, Yoro, Eriksen og fleiri góðir í slúðri dagsins
Víkingur R.
3
0
BÍ/Bolungarvík
Igor Taskovic '69 1-0
Aron Elís Þrándarson '71 2-0
Robin Nijman '91 3-0
31.08.2013  -  14:00
Víkingsvöllur
1. deild karla
Dómari: Valdimar Pálsson
Byrjunarlið:
3. Ívar Örn Jónsson
4. Igor Taskovic
9. Viktor Jónsson ('60)
27. Tómas Guðmundsson

Varamenn:
12. Halldór Smári Sigurðsson ('76)
20. Pape Mamadou Faye ('60)

Liðsstjórn:

Gul spjöld:
Tómas Guðmundsson ('56)
Kristinn J. Magnússon ('44)
Aron Elís Þrándarson ('38)

Rauð spjöld:
Fyrir leik
Komiði sæl og verði velkomin í beina textalýsingu frá gríðarlega mikilvægum leik Víkings og BÍ/Bolungarvíkur í toppbaráttu 1. deildar karla.

Gestirnir í BÍ/Bolungarvík eru í mjög góðri stöðu og geta jafnað topplið Grindavíkur að stigum takist þeim að vinna leikinn í dag. Liðið er í fjórða sæti með 33 stig og 8 mörk í plús, en Grindavík með leik meira, 36 stig og 15 mörk í plús.

Heimamenn í Víkingi eiga enn fínan séns á að komast upp úr deildinni. Liðið er í 5. sæti með 30 stig og sigur í dag gæti jafnað gesti dagsins að stigum.
Hafliði Breiðfjörð
Fyrir leik
Hafsteinn Rúnar Helgason og Loic Ondo taka út leikbann hjá BÍ/Bolungarvík í dag eftir að hafa fengið fjögur gul spjöld í sumar.
Hafliði Breiðfjörð
Fyrir leik
Eftir leikinn í dag eru þrjár umferðir eftir af mótinu og því níu stig í pottinum. Öll lið hafa spilað 19 leiki nema Víkingur og BÍ/Bolungarvík sem eiga leikinn í dag til góða.

Efri hlutinn:
1. Grindavík, 36 stig, 15 mörk
2. Haukar, 35 stig, 11 mörk
3. Fjölnir, 34 stig, 5 mörk
4. BÍ/Bolungarvík, 33 stig, 8 mörk
5. Víkingur, 30 stig, 5 mörk
6. Leiknir, 29 stig, 7 mörk
Hafliði Breiðfjörð
Fyrir leik
Víkingar töpuðu 2-1 fyrir Haukum í síðustu umferð. Ólafur Þórðarson þjálfari þeirra gerir þrjár breytingar á liðinu. Páll Olgeir Þorsteinsson, Kristinn Jens Bjartmarsson og Pape Mamadou Faye fara út og inn koma þeir Aron Elís Þrándarson, Óttar Steinn Magnússon og Robin Nijman.

Aron Elís sem hefur verið einn af bestu leikmönnum deildarinnar hefur ekkert spilað með Víkingi síðan 8. ágúst og þar á bæ fagna menn endurkomu hans.

BÍ/Bolungarvík vann 4-2 sigur á KA í síðasta leik. Hafsteinn Rúnar og Loic Ondo sem eru í banni fara úr liðinu frá þeim leik og það sama má segja um Ingimar Elí Hlynsson sem sest á bekkinn.

Inn koma þeir Nigel Quashie, Alexander Veigar Þórarinsson og Michael Abnett.
Hafliði Breiðfjörð
1. mín
Leikurinn hafinn
20. mín
Fyrstu tuttugu mínúturnar verið tíðindalitlar. Ég var að mæta á leikinn, beint úr 365-höllinni þar sem útvarpsþáttur Fótbolta.net var í gangi. En eftirlitsmaðurinn segir að liðin hafi verið svona nokkuð nálægt því að skapa færi. Annað er það ekki.
22. mín
Hér er líka maður sem sér um að þjónusta veðmálasíðurnar. Hann segir það tíðindamesta hve margar hornspyrnur hafi komið.
27. mín
Jafnræði með liðunum en besta færið hefur Aron Elís fengið. Vissi ekki alveg með hvorum fætinum hann ætti að spyrna og því rann það út í sandinn.
29. mín
Óttar Steinn, miðvörður Víkinga, skallar á mark eftir aukaspyrnu. Skallinn laus og auðveldur viðureignar fyrir Munoz.
30. mín
Igor Taskovic, miðjumaður Víkinga, pirraður yfir aukaspyrnudómi og kastar boltanum í burtu. Fær tiltal. Miðjubarátta hans og Nigel Quashie í leiknum mikil.
31. mín Gult spjald: Daniel Osafo-Badu (BÍ/Bolungarvík)
Fyrir brot á miðjum vellinum. "Teikaði" andstæðing niður.
32. mín Gult spjald: Alexander Veigar Þórarinsson (BÍ/Bolungarvík)
Valdimar dómari búinn að opna svörtu bókina og þá er ekki aftur snúið.
35. mín
Davíð Snorri Jónasson, annar af þjálfurum Leiknis, meðal áhorfenda. Leiknir fer vestur og mætir Djúpmönnum í næstu umferð.
36. mín
Dofri Snorrason liggur meiddur á vellinum. Þarf aðhlynningu.
37. mín
Ben Everson við það að koma sér í fínt færi en á síðustu stundu bjargaði Óttar.
38. mín Gult spjald: Aron Elís Þrándarson (Víkingur R.)
Of seinn í tæklingu. Þess má geta að Dofri Snorrason er mættur aftur til leiks eftir aðhlynningu. Lenti eitthvað illa á öxlinni.
44. mín Gult spjald: Kristinn J. Magnússon (Víkingur R.)
Brot rétt fyrir utan vítateigsendann hægra megin. BÍ/Bolungarvík á aukaspyrnu á fínum stað. Fyrirgjafarmöguleiki.
45. mín
Matthías Króknes í flottu skotfæri og ætlaði svoleiðis að negla knettinum svo netið myndi rifna. En maður verður víst að horfa á boltann, það er allavega betra. Matthías hitti ekki knöttinn.
45. mín
Hálfleikur - Við heimtum meira fjör í seinni hálfleikinn.
45. mín
Jæja liðin ganga út á völlinn. Í hátalarakerfinu ómar stuðningslag Víkings. "Við viljum sigur í dag Víkingar". Já þeir þurfa svo sannarlega þrjú stig heimamenn.
46. mín
Seinni hálfleikur er hafinn
47. mín
Quashie með fyrsta skot Djúpmanna á markið í leiknum. Ingvar Kale ekki í erfiðleikum. Skotið laust.
53. mín
Vantar meiri gæði í sendingar leikmanna. Stuðningsmenn gestaliðsins farnir að láta í sér heyra og hrópa "BÍ BÍ BÍ" - Greinilega fleiri Ísfirðingar en Bolvíkingar á vellinum í dag.
55. mín
Stuðningsmenn Víkings allt annað en sáttir. Valdimar dómari klikkaði á hagnaðarreglunni, flautaði aukaspyrnu til Víkings þegar Viktor Jónsson var að koma sér í fínt færi.
56. mín Gult spjald: Tómas Guðmundsson (Víkingur R.)
Er ekki sammála þessu spjaldi. Valdimar að taka nokkrar slakar ákvarðanir núna.
57. mín
Inn:Andri Rúnar Bjarnason (BÍ/Bolungarvík) Út:Matthías Kroknes Jóhannsson (BÍ/Bolungarvík)
60. mín
Inn:Pape Mamadou Faye (Víkingur R.) Út:Viktor Jónsson (Víkingur R.)
61. mín
Osafo-Badu með skot fyrir utan teig. Framhjá.
63. mín
Andri Rúnar með frábær tilþrif! Fór framhjá tveimur leikmönnum við endalínuna en sendingin fyrir rataði ekki. Vann þó horn.
66. mín
ÞVÍLÍKT DAUÐAFÆRI!!! Hvernig fór Alexander Veigar að því að skora ekki! Ingvar Kale missti boltann frá sér og Alexander var fyrir opnu marki við markteiginn. Allir á vellinum voru búnir að bóka mark en Alexander náði að skjóta í Ingvar og í horn.
67. mín
Það liggur á Víkingunum núna. Gestirnir virðast vera komnir með tök.
69. mín MARK!
Igor Taskovic (Víkingur R.)
VÍKINGAR KOMAST YFIR!!! Þetta kemur gegn gangi leiksins en Víkingum er sama. Taskovic var á fjærstönginni eftir fyrirgjöf frá hægri, tók boltann niður, fór framhjá varnarmanni og skoraði.
70. mín
Klúðrið sem Alexander átti áðan heldur betur að reynast dýrkeypt!
71. mín MARK!
Aron Elís Þrándarson (Víkingur R.)
Stoðsending: Igor Taskovic
Víkingar láta kné fylgja kviði! Taskovic með skalla eftir fyrirgjöf frá Robin Nijman. Aron Elís stóð á línunni og átti síðustu snertinguna! Martraðamínútur fyrir gestina.
73. mín
Það var rangstöðulykt af seinna markinu og Jörundur Áki ósáttur. Fær áminningu.
75. mín
Mörk breyta leikjum! Víkingar á eldi þessa stundina. Aron Elís með skot sem Munoz varði.
76. mín
Inn:Halldór Smári Sigurðsson (Víkingur R.) Út:Aron Elís Þrándarson (Víkingur R.)
Grétar Atli:
Víkingur Reykjavík fer upp. Eiga auðveldustu leikina eftir og hin fjögur liðin í toppbaráttunni mætast innbyrðis í næstu umf. #fótbolti
81. mín
Inn:Max Touloute (BÍ/Bolungarvík) Út:Dennis Rasmussen Nielsen (BÍ/Bolungarvík)
91. mín MARK!
Robin Nijman (Víkingur R.)
Stoðsending: Pape Mamadou Faye
Eftir frábæran undirbúning Pape Mamadou Faye sem kom boltanum inn í teiginn skoraði Robert Nijman þriðja mark Víkings.
Hafliði Breiðfjörð
Leik lokið!
Leiknum er lokið með 3-0 sigri Víkinga sem fara í fjórða sætið með jafnmörg stig og BÍ/Bolungarvík en betri markamun. Viðtöl og umfjöllun hér á Fótbolta.net á eftir.
Hafliði Breiðfjörð
Byrjunarlið:
1. Alejandro Munoz (m)
3. Dennis Rasmussen Nielsen ('81)
5. Michael Abnett
6. Gunnar Már Elíasson
6. Nigel Francis Quashie
7. Sigurgeir Sveinn Gíslason
10. Alexander Veigar Þórarinsson
16. Daniel Osafo-Badu
18. Matthías Kroknes Jóhannsson ('57)
19. Ben J. Everson
20. Theodore Eugene Furness

Varamenn:
12. Bjarki Pétursson (m)
9. Ólafur Atli Einarsson
9. Andri Rúnar Bjarnason ('57)
11. Max Touloute ('81)
15. Nikulás Jónsson

Liðsstjórn:

Gul spjöld:
Alexander Veigar Þórarinsson ('32)
Daniel Osafo-Badu ('31)

Rauð spjöld: