Malen, Maguire, Rashford, Greenwood, Yoro, Eriksen og fleiri góðir í slúðri dagsins
Fylkir
0
1
FH
0-1 Atli Viðar Björnsson '88
12.09.2013  -  17:30
Fylkisvöllur
Pepsi-deild karla
Dómari: Magnús Þórisson
Byrjunarlið:
Bjarni Þórður Halldórsson
Kristján Hauksson
4. Finnur Ólafsson ('80)
10. Ásgeir Börkur Ásgeirsson ('91)
11. Kjartan Ágúst Breiðdal ('69)
16. Tómas Joð Þorsteinsson
25. Agnar Bragi Magnússon
49. Ásgeir Örn Arnþórsson

Varamenn:
22. Davíð Einarsson ('80)
24. Elís Rafn Björnsson

Liðsstjórn:

Gul spjöld:
Ásgeir Örn Arnþórsson ('93)
Pablo Punyed ('45)
Tómas Joð Þorsteinsson ('42)
Agnar Bragi Magnússon ('39)

Rauð spjöld:
Fyrir leik
Komiði sæl og verið velkomin í beina textalýsingu frá viðureign Fylkis og FH í 19. umferð Pepsi-deildar karla.

Byrjunarliðin eru klár hér sitthvorum megin við textann.
Fyrir leik
Fylkir vann síðast 1-4 sigur á Breiðabliki í Kópavoginum. Ásmundur Arnarsson þjálfari þeirra gerir eina breytingu á liðinu frá þeim leik.

Ásgeir Börkur Ásgeirsson kemur aftur inn í liðið í stað Guy Roger Eschmann sem sest á bekkinn.
Fyrir leik
FH gerði 2-2 jafnefli við Víking Ólafsvík í síðasta leik. Heimir Guðjónsson þjálfari þeirra gerir tvær breytingar á liði sínu frá þeim leik.

Daði Lárusson kemur í markið fyrir Róbert Örn Óskarsson sem fékk raut síðast og er í tveggja leikja banni og Brynjar Ásgeir Guðmundsson leysir stöðu Atla Viðars Björnssonar sem sest á bekkinn.
Fyrir leik
17:00 Það rigndi duglega á Fylkisvöllin rétt áðan en nú er búið að stytta upp og sólin skín bjart yfir völlinn. Það er 8 stiga hiti á vellinum svo það er um að gera að drífa sig af stað, bara hálftími í leik.
Fyrir leik
Magnús Þórisson dæmir leikinn í dag en hann var gagnrýndur mikið fyrir dómgæslu í leik Þróttar og KF á dögunum þar sem þrír fengu rautt spjald á sama tíma. Jóhann Gunnar Guðmundsson og Oddur Helgi Guðmundsson eru línuverðir. Eftirlitsmaður KSÍ er svo af dýrari gerðinni, Gylfi Þór Orrason varaformaður KSÍ.
Fyrir leik
17:30 Ég veit ekki hvað tefur en liðin eru ekki enn komin út á völl þó leikurinn eigi að vera hafinn.
Fyrir leik
17:32: Liðin ganga nú loks inn á völlinn og þegar komin tveggja mínútna seinkun.
1. mín
Leikurinn er hafinn fimm mínútum eftir að hann átti að hefjast. Fylkir byrjar með boltann og sækir í átt að íþróttahúsinu.
3. mín
Svona er liðunum stillt upp:

Fylkir:
Bjarni Þórður
Ásgeir Örn - Kristján - Agnar Bragi - Tómas Joð
Ásgeir Börkur - Emil Berger
Finnur Ólafs
Pablo - Viðar Örn - Kjartan Ágúst

FH:
Daði
Jón Ragnar - Guðmann - Pétur - Sam
Davíð Þór - Brynjar Ásgeir
Björn Daníel
Ingimundur - Albert Brynjar - Ólafur Páll
7. mín
FHingar hafa fengið þrjár hornspyrnur ná fyrstu mínútum leiksins en Fylkismönnum hefur tekist að verjast þeim.
13. mín
Emil Berger með skot sem hafði viðkomu í varnarmanni og á mark FH en Daði var vandanum vaxinn og varði skotið.
18. mín Gult spjald: Davíð Þór Viðarsson (FH)
Davíð fær áminningu fyrir tæklingu á Viðar Örn við miðlínu.
20. mín
Davíð Þór liggur eftir samskipti við Ásgeir Börk. FHingar kvarta sáran og segja að um olnbogaskot í andlit hafi verið að ræða, Magnús dómari er ekki á sama máli.
27. mín
Viðar með skot að marki með varnarmann í bakinu, Daði varði auðveldlega.
29. mín
Það er skipting í Árbænum. Magnús Þórisson dómari fer af velli og Erlendur Eiríksson kemur inná í hans stað. Þarna kemur líklega skýring á því afhverju leikurinn tafðist um fimm mínútur. Þetta hefur áður gerst í Árbænum og vallarþulurinn tilkynnti breytinguna svona: ,,Nú, KSÍ gerir enn og aftur breytingu á liði sínu..."
34. mín
FH fær aukaspyrnu á hættulegum stað rétt fyrir utan vítateig eftir að brotið var á Brynjari Ásgeiri.
35. mín
Sam Tillen tók spyrnuna en skaut í vegginn.
36. mín
Síðustu dómaraskipti voru hérna í Árbænum 1. júlí í leik Fylkis og KR. Örvar Sær Gíslason kom þá inn úr stúkunni fyrir Valgeir Valgeirsson sem meiddist.
39. mín Gult spjald: Agnar Bragi Magnússon (Fylkir)
Agnar Bragi fær spjald fyrir brot á miðjum vallarhelmingi Fylkis.
42. mín Gult spjald: Tómas Joð Þorsteinsson (Fylkir)
Tómas Joð fær áminningu fyrir harkalegt brot á Jóni Ragnari út við hliðarlínu.
43. mín
Það er að færast smá harka í leikmenn liðanna sem láta vel fyrir sér finna. Fótboltaleikurinn er samt hundleiðinlegur á að horfa og lítið að gerast.
45. mín Gult spjald: Pablo Punyed (Fylkir)
Braut á Sam Tillen sem var út við hliðarlínu að senda fyrir markið.
45. mín
Kominn hálfleikur í Árbænum, markalaust og lítið að gerast enn sem komið er.
46. mín
18:38: Síðari hálfleikur er hafinn. Engar breytingar voru gerðar á liðunum en vallarþulur vildi koma því á framfæri við áhorfendur að stranglega bannað sé að kveikja á blysum í stúkunni. Ekki að neinn hafi gefið neinn tilefni til þess.
48. mín
Magnús Gylfason þjálfari Vals er mættur á Fylkisvöll til að taka út FH liðið sem hans menn mæta á mánudaginn.
52. mín
Ekkert að gerast í þessu, FH var að fá hornspyrnu sem þeir settu beint aftur fyrir endamörk.
55. mín
Pablo Punyed heimtar víti eftir að hafa fallið í teignum. Erlendur sagði ekkert brot hafa verið framið.
56. mín
Pablo með skot að marki sem fór beint á Daða.
58. mín
Guðmann bjargaði á línu eftir skalla Agnar Braga að marki FH.
58. mín
Inn:Emil Pálsson (FH) Út:Brynjar Ásgeir Guðmundsson (FH)
Fyrsta skipting leiksins.
59. mín
Emil fljótur að láta til sín taka en henti sér niður inni í teignum og vildi fá eitthvað fyrir sinn snúð. Erlendur sá ekkert athugavert og flautaði ekki.
60. mín
Pablo kom inn í teiginn hægra megin og lét vaða á markið, í varnarmann og Daði tók svo á móti boltanum.
63. mín
Albert Brynjar tók snúning fyrir utan teig og lét vaða á markið en rétt yfir.
68. mín
Hætta fyrir framan mark FH. Viðar Örn sendi þvert á markið en Finnur Ólafsson náði ekki til boltans.
69. mín
Inn:Guy Roger Eschmann (Fylkir) Út:Kjartan Ágúst Breiðdal (Fylkir)
74. mín
Inn:Atli Viðar Björnsson (FH) Út:Albert Brynjar Ingason (FH)
76. mín
Atli Viðar í dauðafæri og skaut að marki en Agnar Bragi bjargaði áður en boltinn fór á markið. Áhöld um hvort boltinn hafi nokkuð verið á leið inn samt.
78. mín
Fylkismenn vildu að Davíð Þór fengi seinna gula spjaldið fyrir brot á Finni Ólafssyni á miðjum velli. Davíð Þór fékk gult hjá Magnúsi Þórissyni í fyrri hálfleik fyrir samskonar brot en Erlendur Eiriksson sagði að Davíð Þór hafi bara farið í boltann.
80. mín
Inn:Davíð Einarsson (Fylkir) Út:Finnur Ólafsson (Fylkir)
81. mín Gult spjald: Sam Tillen (FH)
Braut á Viðari Erni úti á miðjum velli.
83. mín Gult spjald: Guðmann Þórisson (FH)
Fyrir að rífa kjaft út við hliðarlínu. Það var búið að stefna í þetta.
84. mín
Inn:Kristján Gauti Emilsson (FH) Út:Ingimundur Níels Óskarsson (FH)
Síðasta skipting FH. Atli Guðnason besti leikmaður síðasta árs er ónotaður varamaður.
85. mín
Daði varði vel frá Viðari Erni.
88. mín MARK!
Atli Viðar Björnsson (FH)
Frábærlega gert hjá Atla Viðari. Hann sneri baki í markið þegar hann fékk boltann í teignum með varnarmann í bakinu. Hann sneri á varnarmanninn og klobbaði svo Bjarna Þórð í markinu. FH-ingar komnir yfir.
90. mín
Bjarni Þórður var kominn langt út úr markinu og Ólafur Páll reyndi skot frá miðjum vallarhelmingi Fylkis en framhjá.
91. mín
Inn:Egill Trausti Ómarsson (Fylkir) Út:Ásgeir Börkur Ásgeirsson (Fylkir)
92. mín
Kristján Gauti skallaði fyrirgjöf yfir mark FH og þar með horn. Þetta stóð tæpt. Tómas Joð skaut framhjá eftir hornið.
93. mín Gult spjald: Ásgeir Örn Arnþórsson (Fylkir)
Leik lokið!
Leiknum er lokið með sigri FH. Frekari umfjöllun og viðtöl hér á eftir.
Byrjunarlið:
Ólafur Páll Snorrason
Daði Lárusson
Davíð Þór Viðarsson
4. Pétur Viðarsson
4. Sam Tillen
7. Ingimundur Níels Óskarsson ('84)
10. Björn Daníel Sverrisson (f)
14. Albert Brynjar Ingason ('74)
16. Jón Ragnar Jónsson
21. Guðmann Þórisson
23. Brynjar Ásgeir Guðmundsson ('58)

Varamenn:
8. Emil Pálsson ('58)
11. Atli Guðnason
13. Kristján Gauti Emilsson ('84)
17. Atli Viðar Björnsson ('74)
25. Hólmar Örn Rúnarsson

Liðsstjórn:

Gul spjöld:
Guðmann Þórisson ('83)
Sam Tillen ('81)
Davíð Þór Viðarsson ('18)

Rauð spjöld: