Malen, Maguire, Rashford, Greenwood, Yoro, Eriksen og fleiri góðir í slúðri dagsins
Víkingur R.
16
0
Völsungur
Hjörtur Júlíus Hjartarson '3 1-0
Óttar Steinn Magnússon '6 2-0
Robin Nijman '10 3-0
Robin Nijman '14 4-0
Óttar Steinn Magnússon '18 5-0
Aron Elís Þrándarson '34 6-0
Aron Elís Þrándarson '39 7-0
Hrannar Björn Steingrímsson '45
Guðmundur Óli Steingrímsson '45
Igor Taskovic '49 8-0
Dofri Snorrason '55 9-0
Hjörtur Júlíus Hjartarson '59 10-0
Robin Nijman '74 11-0
Hjörtur Júlíus Hjartarson '76 12-0
Hjörtur Júlíus Hjartarson '76 13-0
Aron Elís Þrándarson '77 14-0
Aron Elís Þrándarson '80 15-0
Robin Nijman '90 16-0
14.09.2013  -  14:00
Víkingsvöllur
1. deild karla
Aðstæður: Góðar
Dómari: Kristinn Jakobsson
Áhorfendur: 420
Maður leiksins: Aron Elís Þrándarson
Byrjunarlið:
3. Ívar Örn Jónsson
4. Igor Taskovic
27. Tómas Guðmundsson ('46)

Varamenn:
12. Halldór Smári Sigurðsson ('56)
20. Pape Mamadou Faye

Liðsstjórn:

Gul spjöld:

Rauð spjöld:
Fyrir leik
Sælir lesendur góðir. Innan skamms mun leikur Víkings og Völsungs hefjast í 1. deild karla. Lýsinging hófst svona seint vegna inneignarleysis netsins hér í stúkunni en allt ætti að vera komið í lag.

Byrjunarliðin eru komin í hús og munu þau birtast von bráðar.
Fyrir leik
Liðin eru að labba inn á völlinn á eftir dómurum og fyrirliðunum Kristni Jóhannesi Magnússyni og Hrannari Birnir Steingrímssyni.

Dómari í dag er Kristinn Jakobsson og honum innan handar verða Björn Valdimarsson og Steinar Berg Sævarsson. Eftirlitsmaður er Guðmundur Sigurðsson.
1. mín
Leikurinn er hafinn og byrja Víkingar með boltann.

Ég hef ekki náð að renna yfir breytingar á byrjunarliðum og ég held það verði bara að hafa það.
3. mín MARK!
Hjörtur Júlíus Hjartarson (Víkingur R.)
Fyrsta markið er komið.

Ég sá ekki hver það var sem átti sprettinn upp vinstri kantinn og klafsaði boltanum fyrir markið hjá Víkingum en það er öruggt að Hjörtur Hjartar skoraði markið. Auðvelt, fékk hann a markteig og potaði yfir línuna.
5. mín
Víkingar halda áfram að sækja. Fengu horn sem var skallað frá og fylgdu eftir með skalla fyrir utan teig sem var varinn yfir. Úr næsta horni skallaði svo Óttar Steinn yfir markið úr fínni stöðu.
6. mín MARK!
Óttar Steinn Magnússon (Víkingur R.)
Stoðsending: Dofri Snorrason
Aftur vinstri kanturinn. Dofri fékk boltann skaut að marki og setti hann í slánna. óttar fylgdi á eftir og skoraði í markið. Auðvelt.
7. mín
Hlutskipti liðanna fyrir leik var nokkuð ólíkt. Völsungar voru með tvö stig í neðsta sæti og fallnir nokkuð örugglega. Víkingar voru í fjórða sæti með jafnmörg stig og Haukar og Grindavík en stigi á eftir Fjölni.
10. mín MARK!
Robin Nijman (Víkingur R.)
Stoðsending: Aron Elís Þrándarson
Andleysi Völsunga er algert. Reyndu að byggja upp sókn sem Víkingar kæfðu í fæðingu. Sendu upp í horn þar sem Aron Elís var að mér sýndist og hann sendi jarðarbolta fyrir. Völsungar hreinsuðu en beint á Nijman sem fylgdi eftir í markið.
14. mín MARK!
Robin Nijman (Víkingur R.)
Aukaspyrna Víkings var kýld út í teiginn og Nijman fylgdi eftir. Öll mörk Víkinga nokkuð keimlík hingað til.
15. mín
Hrannar Björn klobbar Igor Taskovic á miðjum vellinum.
17. mín
Nijman langar í þrennuna. Fær boltann frá Aroni Elís, nær að leggja boltann fyrir sig og skotm eð vinstri sem Heimir slær yfir.
18. mín MARK!
Óttar Steinn Magnússon (Víkingur R.)
Stoðsending: Ívar Örn Jónsson
Óttar með sitt annað mark. Ívar tók hornspyrnuna og Óttar hoppaði hæst og setti boltann í markið.

Ég ætla að leyfa mér að fullyrða að leikurinn muni enda með sigri Víkings.
23. mín
Eilítið einkennandi fyrir leik Völsungs hingað til. Halldór Geir Heiðarsson fékk boltann í uppspilstilraun þeirra, flæktist í Kristni Jak og missti boltann. Víkingar geystust upp en voru dæmdir rangstæðir.
29. mín
Páll Olgeir með gott skot en Heimir er vel staðsettur og grípur boltann.
34. mín MARK!
Aron Elís Þrándarson (Víkingur R.)
Stoðsending: Robin Nijman
Þetta var ekki flókið. Aron Elís fékk boltann frá Nijman á miðjum vellinum. Með frábærri fyrstu snertingu fór hann framhjá Gunnari í miðverðinum og var kominn í gegn. Afgreiddi hann örugglega í hornið fjær. Fallegasta mark leiksins til þessa.
36. mín
Páll nálægt því að skora úr hornspyrnu en Þorvaldur varði á nærstönginni.
39. mín MARK!
Aron Elís Þrándarson (Víkingur R.)
Stoðsending: Igor Taskovic
Víkingar fengu aukaspyrnu úti á vinstri væng eftir að Peter Odrobena tæklaði Nijman. Taskovic lagði boltann bara í vítabogann þar sem Aron Elís lagði hann áfram í hornið nær. Annað mark hans.
42. mín
Þessi mörk gætu reynst mikilvæg þegar allt er afstaðið en núna eru Víkingar með langbesta markatölu af þeim liðum sem eru í toppbaráttunni.
43. mín
Aron Elís nálægt þrennunni. Lék á Rafnar Smárason sem var kominn baka í vörnina og skaut svo utanfótar í átt að marki. Snúningurinn á boltanum var frá marki og strauk hann stöngina fjær og svo aftur fyrir.
45. mín Rautt spjald: Hrannar Björn Steingrímsson (Völsungur)
Hrannar fær beint rautt fyrir að sparka Robert Nijman niður á miðjum velli. Veit ekki með þetta, sá þetta ekki nógu vel.
45. mín Gult spjald: Guðmundur Óli Steingrímsson (Völsungur)
Rífur kjaft og fær gult.
45. mín Rautt spjald: Guðmundur Óli Steingrímsson (Völsungur)
Heldur áfram að rífa kjaft og fær seinna gula og þar með rautt spjald. Bræðurnir báðir farnir út af með rautt á sömu mínútunni.
45. mín
Nijman skallar yfir af 30 sentimetra færi eftir hornspyrnu Taskovic.
45. mín
Hálfleikur

Skrítnasti leikur sem ég hef á ævi minni horft á.
45. mín
Ef við summum þennan fyrri hálfleik upp þá má gera það með þremuur orðum; Einstefna og klafs.

Víkingar hafa ráðið ferðinni alfarið og flest mörkin hafa komið eftir klafs í teignum. Ég veit ekki hvernig seinni hálfeikurinn á eftir að vera með níu Völsunga.
Arnar Daði Arnarsson eigandi úrslit.net
Jæja. Nú verður að athuga hvort um veðmálasvindl sé um að ræða.
46. mín
Inn:Hjalti Már Hauksson (Víkingur R.) Út:Páll Olgeir Þorsteinsson (Víkingur R.)
46. mín
Inn:Kjartan Dige Baldursson (Víkingur R.) Út:Tómas Guðmundsson (Víkingur R.)
46. mín
Inn:Bergur Jónmundsson (Völsungur) Út:Rafnar Smárason (Völsungur)
Síðari hálfleikur hafinn.
46. mín
36 sekúndur komnar og Völsungur strax búinn að verja á línu. Hjörtur Hjartar setti boltann í Heimi eða Odrobena af stuttu færi. Undirbúningur í höndum Arons og Nijman.
47. mín
Ívar með hornspyrnuna stutt á Dofra sem sendir aftur á Ívar. Ívar reynir að snúa boltann upp í hornið fjær en Heimir ver vel.
49. mín MARK!
Igor Taskovic (Víkingur R.)
Stoðsending: Aron Elís Þrándarson
Aron sendir á Hjört sem sendir aftur til Arons, góður þríhyrningur. Aron sendi fyrir markið frá hægri, Heimir sló boltann yfir Hjört en á Taskovic sem skoraði sitt fyrsta mark í dag.
52. mín
Varamaðurinn Hjalti með fast skot sem heimir slær yfir.
54. mín
Inn:Pétur Ásbjörn Sæmundsson (Völsungur) Út:Péter Odrobéna (Völsungur)
Önnur skipting Völsungs. Odrobena haltur eftir samstuð í fyrri.
55. mín MARK!
Dofri Snorrason (Víkingur R.)
Hornspyrna Víkinga stutt og send út á Dofra sem skoraði með föstu skoti framhjá Heimi.
56. mín
Inn:Halldór Smári Sigurðsson (Víkingur R.) Út:Óttar Steinn Magnússon (Víkingur R.)
Víkingar búnir með sínar skiptingar.
57. mín
Shit hvað Aron Elís er að eigna sér Völsungs liðið. Fékk boltann við eigin vítaboga og hljóp upp allan völlinn framhjá hverjum grænklæddum varnarmanninum á fætur öðrum. Sendingin aðeins of föst fyrir Hjört og Hjalta inn í teig.
58. mín
Hjalti með skalla í stöng eftir sendingu Arons.
59. mín MARK!
Hjörtur Júlíus Hjartarson (Víkingur R.)
Stoðsending: Aron Elís Þrándarson
Enn og aftur er Aron allt í öllu. Var með boltann upp við endalínu og lagði hann út á Hjört sem átti í engum erfiðleikum að skora af markteig.
63. mín
Ingvar Kale snerti boltann.
64. mín
Bæði Nijman og Hjörtur rétt missa af þrennu. Aron með gullsendingu innfyrir, Hjörtur kemst í boltan en Heimir líka, boltinn berst á Nijman sem nær skoti en beint í Gunnar Jósteinsson.
68. mín
Ívar sendir innfyrir á Nijman sem skorar örugglega. Flaggaður rangstæður samt. Sennilega rétt.
70. mín
Inn:Aðalsteinn Jóhann Friðriksson (Völsungur) Út:Þorvaldur Sveinbjörnsson (Völsungur)
Allar skiptingar komnar.
72. mín
Víkngar vilja hendi og víti eftir að varamaðurinn Aðalsteinn fær knöttinn í sig. Mér sýndist þetta vera klárt víti en Kiddi Jak er á örðu máli.

Hefði verið gaman að sjá hver hefði fengið að taka vítið, Hjörtur, Aron eða Nijman.
74. mín
Nijman reynir enn. Fær boltann frá Aroni hendir í létta gabbhreyfingu og skot með vinstri. Yfir markið.
74. mín MARK!
Robin Nijman (Víkingur R.)
Stoðsending: Hjörtur Júlíus Hjartarson
Fyrsta þrennan komin. Hjalti spólaði sig upp vinstri kanntinn með tveimur léttum þríhyrningum. Sendi á Hjört sem lagði á Nijman sem fékk loksins þrennuna.
76. mín MARK!
Hjörtur Júlíus Hjartarson (Víkingur R.)
Stoðsending: Dofri Snorrason
Þrenna númer tvö dömur mínar og herrar. Nijman fékk boltann eftir hælspyrnu Arons, lagði hann út á Taskovic, hann á Dofra og svo Hjörtur með markið.
76. mín MARK!
Hjörtur Júlíus Hjartarson (Víkingur R.)
Stoðsending: Hjalti Már Hauksson
Þetta mark kom á sömu mínútu. Hirtu boltann, Hjalti hljóp upp kanntinn, senti fyrir og Hjörtur sveif líkt og gammur og stangaði boltann í mark.
77. mín MARK!
Aron Elís Þrándarson (Víkingur R.)
Stoðsending: Kjartan Dige Baldursson
Aron með þrennu. Kjartan fékk sendingu, hamraði að marki og boltinn í Sigvalda. Aron fylgdi eftir og skoraði sitt þriðja mark.
79. mín
Nijman með skalla framhjá eftir góða sendingu Kjartans.
80. mín MARK!
Aron Elís Þrándarson (Víkingur R.)
Stoðsending: Igor Taskovic
Ég hef ekki tíma til að skrifa hérna.

Hornspyrna Taskovic tekin stutt, hann fær hann aftur og leggur hann á auðan og yfirgefin Aron Elís. Hans fjórða mark í dag.
81. mín
Með þessu mark hafa Víkingar skorað jafnmörg mörk í dag og Völsungar hafa skorað í allt sumar.
83. mín
Besta tilraun Völsung til þessa. Varamaðurinn Aðalsteinn Jóhann með skot af löngu færi sem Ingvar gerir vel í að verja. Hornspyrna gestanna. Hún er of föst og fer yfir allan pakkann.
85. mín
Hjalti Már skorar eftir sendingu Nijman. Aftur rangstaða. Víkingar búnir að skora sautján sinnum í dag en bara fimmtán lögleg.
86. mín
Aron Elís hoppar af velli meiddur. Slæm tíðindi fyrir Víkinga en hann hefur verið þeirra besti maður í dag. Gæti reynst leiðinlegt í lokaumferðinni. Víkingar eru þá tíu gegn níu enda skiptingarnar búnar.
87. mín
DAUÐAFÆRI VÖLSUNGS! Aðalsteinn Jóhann fær boltann inn í teig og gerir vel í að snúa og að koma sér í skotstöðu. Hallar sér of mikið og skóflar boltanum yfir markið í kjörstöðu.
90. mín MARK!
Robin Nijman (Víkingur R.)
Stoðsending: Hjörtur Júlíus Hjartarson
Nijman líka með fjögur mörk. Fyrirliðinn Kristinn með sendingu sem Hjörtur skallar fyrir fætur Nijman sem skorar mark númer sextán. Víkingur þar með með fleiri mörk skoruð í þessum leik en Völsungur í sumar.
90. mín
Toppliðin fjögur unnu öll sína leiki en Víkingur fer í annað sætið á markatölu þrátt fyrir 7-0 sigur Grindavíkur á KF.
Leik lokið!
Sannfærandi sigur Víkings.
Byrjunarlið:
31. Heimir Pálsson (m)
Gunnar Sigurður Jósteinsson
Jónas Halldór Friðriksson
7. Hrannar Björn Steingrímsson
7. Guðmundur Óli Steingrímsson
8. Eyþór Traustason
9. Péter Odrobéna ('54)
13. Sigvaldi Þór Einarsson
18. Halldór Geir Heiðarsson
18. Rafnar Smárason ('46)
27. Þorvaldur Sveinbjörnsson ('70)

Varamenn:
8. Pétur Ásbjörn Sæmundsson ('54)
14. Halldór Kárason

Liðsstjórn:
Aðalsteinn Jóhann Friðriksson (Þ)
Ármann Örn Gunnlaugsson

Gul spjöld:
Guðmundur Óli Steingrímsson ('45)

Rauð spjöld:
Hrannar Björn Steingrímsson ('45)
Guðmundur Óli Steingrímsson ('45)