Vallarþulurinn er að kynna liðin til leiks, hann er virkilega sleipur í rússneskunni og ber nöfnin fram eins og innfæddur!

Það styttist í þetta liðin ganga út á völl.

Bæði lið hafa lokið upphitun og eru mætt í búningsklefanna til að hlýða á síðustu ræður þjálfaranna. Þetta er að sjálfsögðu fyrri leikur liðanna en seinni leikurinn fer fram í Rússlandi næstkomandi miðvikudag eða 11 október fyrir þá sem að elska dagsetningar.

Það er korter í leik og bæði lið hita upp af krafti. Ég vil sjá fleiri í stúkuna fyrir leik.

Aðstæður í dag eru tipp topp það er logn, smá kuldi en gervigrasi er alltaf geggjað hjá garðbæingum.

Það er hálftími í leik, Það er kalt í kvöld og stúkan á Samsung vellinum stendur undir nafni enda kölluð frystikistann, ég mæli því með að fólk taki góða Cintamani eða 66 norður úlpu með sér og kaupi sér einn funheitan kaffibolla áður en það sest í stúkuna.

Byrjunarliðin eru klár og má sjá þau hér til hliðar.

Rússarnir voru lengi að skila sínu liði inn og vilja ekki gefa upp uppstillingu sína , Stjarnan spilar hinsvegar 4-3-3 í dag

Lífið hefur ekki alltaf verið dans á rósum hjá Rossiyanka en árið 2011 var liðið í miklum fjárhags vandræðum, leikmenn dóu ekki ráðalausir og ákváðu að spila í bikinum til þess að fá fleiri á völlinn. Hvernig það lukkaðist er svo allt önnur saga

Linkur á frétt
https://www.sportskeeda.com/football/russian-women-football-club-team-to-play-in-bikini

Dómari leiksins er hin 29 ára Barbara Poxhofer en hún kemur frá Austuríki. Barbara þekkir vel til Íslands en hún dæmdi einmitt á Íslandi í evrópukeppni u17 sem fram fór hér á landi.

Hvaða lið er eiginlega þetta Rossiyanka?

Engar áhyggjur þar sem ég er mjög sleipur í rússneskunni get ég sagt ykkur allt um lið Rossiyanka.
Liðið var stofnað árið 2003 í bænum Khimki í Rússlandi sem er í útjaðri Mosku. Frá stofnun félagsins hefur liðinu vegnað vel bæði í rússnesku deildinni og meistaradeildinni en liðið varð rússneskur meistari á síðasta ári.

Leikmenn Rossiyanka eru fremur ungir þó að elsti leikmaður þeirra sé 33 ára (F.1984) þá eru flestir leikmenn þar um eða undir tvítugt en þeirra yngsti leikmaður sem að spilar reglulega er 15 ára, meðalaldurinn í liðinu er því í kringum 20 ára.

Rossiyanka hefur ekki farið vel af stað í rússnesku deildinni en þær sitja í 7.sæti með 7 stig eftir 12 leiki og -17 mörk í markatölu og nokkuð ljóst að þær muni ekki verja meistaratitill sinn í ár.

Stjarnan fór til Króatíu fyrr í sumar þar sem þær léku í riðlakeppninni ásamt þremur öðrum liðum. Stjarnan gerði frábæra ferð út og endaði á toppi riðilsins með fullt hús stiga 21 mark skorað og fengu ekki mark á sig og tryggðu sér um leið áfram í 32 liða úrslit þar sem þær mæta Rússneska liðinu Rossiyanka.

Komiði blessuð og sæl og verið velkominn í beina textalýsingu frá leik í 32 liða úrslitum meistaradeildar kvenna.

Liðin sem eigast við í dag eru Stjarnan og Rossiyanka en þetta er fyrri leikur liðanna og hefst leikurinn klukkan 19:15 á Samsung vellinum í Garðabæ