Heiðursvörður! Breiðablik stillir sér upp í heiðursvörð áður en Víkingar ganga út á völl.

Byrjunarliðin eru klár Breiðablik mæta til leiks eftir langa ferð til Ísrael þar sem þeir mættu Maccabi Tel Aviv í Sambandsdeildinni. Blikar gera þá þrjár breytingar á sínu liði frá þeim leik en inn koma Viktor Karl Einarsson, Kristófer Ingi Kristinsson og Davíð Ingvarsson fyrir Kristinn Steindórsson, Jason Daða Svanþórsson og Andra Rafn Yeoman.

Víkingar gera þá einnig breytingar á sínu liði sem mætti KR í síðustu umferð en inn koma Gunnar Vatnhamar, Halldór Smári Sigurðsson, Birnir Snær Ingason, Karl Friðleifur Gunnarsson og Nikolaj Hansen fyrir Viktor Örlyg Andrason, Helga Guðjónsson, Gísla Gottskálk Þórðarson, Ara Sigurpálsson og Davíð Örn Atlason.

Innbyrðis viðureignir Liðin hafa mæst 79 sinnum í mótsleik á vegum KSÍ samkv. vef KSÍ.

Breiðablik hafa oftar sigrað í þessum einvígjum eða 30 sinnum (38%).
Víkingar eru þó ekki langt undan með 27 sigra (34%).
Liðin hafa þá skilið jöfn í 22 skipti (28%).

????? 2011

???? Viktor Jónsson (f.1994)
???? Víkingur
???? Breiðablik

????? #GamlaMarkið pic.twitter.com/KgBuaf3VhC

— Áhugaverðar staðreyndir um íslenska knattspyrnu (@OReyndir) September 25, 2023

Breiðablik Blikar hafa átt mjög svo furðulegt tímabil. Deildin hefur verið mjög sveiflukennd hjá Blikum í sumar en á sama tíma hafa þeir verið í evrópuævintýri sem endaði með að þeir urðu fyrsta Íslenska félagslið karla meginn til þess að tyrggja sig inn í riðlakeppni Evrópu þegar þeir tryggðu sig í Sambandsdeild Evrópu en það má vel færa rök fyrir því að deildarkeppnin hefur svolítið orðið undir í þessari vegferð þeirra.

Breiðablik sitja í 3.sæti deildarinnar með 38 stig, stigi á undan Stjörnumönnum og FH sem eru í 4. og 5.sæti svo Blikar mega síður en svo slaka á ætli þeir sér að taka þátt í evrópu næsta sumar.

Breiðablik hefur skorað 44 mörk í sumar og hafa þessi mörk raðast niður á:

Stefán Ingi Sigurðarson - 10 Mörk
Gísli Eyjólfsson - 7 Mörk
Ágúst Eðvald Hlynsson - 5 Mörk
Klæmint Olsen - 5 Mörk
Höskuldur Gunnlaugsson - 4 Mörk
Damir Muminovic - 2 Mörk
Jason Daði Svanþórsson - 2 Mörk
*Aðrir minna

Nýkrýndir Íslandsmeisatarar Víkinga Það varð endanlega ljóst eftir að Valsmenn náðu ekki að sigra KR í gær að Víkingar eru staðfestir sigurvegarar Bestu deildarinnar 2023. Fyrir leikinn í gær gat Valur tölfræðilega jafnað Víkinga af stigum með því að sigra alla sína leiki sem eftir eru en það gerðist ekki svo ekkert lið getur núna tölfræðilega náð Víkingum.

Víkingar hafa átt stórkostlegt sumar í ár bæði karla og kvenna og raðað inn titlum. Víkingar eru Íslands-og bikarmeistarar karla á meðan kvennalið Víkinga er Lengjudeildarmeistari, bikarmeistari og Lengjubikarmeistari.

Víkingar leiða Bestu deildina með 11 stigum þegar 9 stig eru eftir í pottinum góða. Víkingar eru í efsta sætinu með 60 stig.

Víkingar hafa skorað langflest mörk allra liða í sumar eða 67 talsins. Næsta lið á eftir eru Valur með 53 mörk skoruð.

Mörk Víkinga í sumar hafa raðast niður á:

Nikolaj Hansen - 11 Mörk
Birnir Snær Ingason - 11 Mörk
Danijel Dejan Djuric - 11 Mörk
Matthías Vilhjálmsson - 5 Mörk
Helgi Guðjónsson - 4 Mörk
Aron Elís Þrándarsson - 4 Mörk
Pablo Punyed - 3 Mörk
Gunnar Vatnhamar - 3 Mörk
Erlingur Agnarsson - 3 Mörk
Viktor Örlygur Andrason - 2 Mörk
Oliver Ekroth - 2 Mörk
Logi Tómasson - 2 Mörk
Ari Sigurpálsson - 2 Mörk
* Aðrir minna

Mikið fjör í leikjum liðana á þessu tímabili!

Dómarateymið Sigurður Hjörtur Þrastarson fær það verðuga verkefni að halda utan um flautuna í þessum slag og honum til aðstoðar verða Þórður Arnar Árnason og Patrik Freyr Guðmundsson.
Arnar Ingi Ingvarsson verður svo á skiltinu góða og á milli varamannabekkjana að stilla til friðar þar ásamt því að vera til taks ef eitthvað útaf bregður inni á velli hjá dómurum leiksins.
Gylfi Þór Orrason hefur svo eftirlit með því að allt fari eðlilega fram.

Heil og sæl! Verið hjartanlega velkominn í þessa þráðbeinu textalýsingu frá Kópavogsvelli þar sem Íslandsmeistarar mætast. Breiðablik tekur á móti nýkrýndum Íslandsmeisturum Víkinga í 2.umferð efri hluta Bestu deildarinnar.