Jói Pé er að spila á Dúllubarnum Fyrir þá sem voru að velta því fyrir sér hvort þið ættuð að mæta þá er bara 5 mínútur í að Jói Pé troði upp á Dúllubarnum. Þannig þið þurfið að drífa ykkur ef þið ætlið að ná fótboltaleik og tónleikum!

Byrjunarliðin eru komin Jökull Elísabetarson gerir aðeins eina breytingu á liði sínu sem vann 3-1 gegn FH í síðustu umferð. Það er Björn Berg Bryde sem fær sér sæti á bekknum og Guðmundur Kristjánsson kemur inn í liðið.

Rúnar Kristinsson gerir einnig aðeins eina breytingu á sínu liði en KR gerði 2-2 jafntefli við Val í síðustu umferð. Jóhannes Kristinn Bjarnason er ekki með KR í dag en í hans stað kemur Aron Kristófer Lárusson.

Dómari leiksins Dómari þessa leiks verður Gunnar Oddur Hafliðason og honum til aðstoðar verða Bryngeir Valdimarsson og Rúna Kristín Stefánsdóttir.

Eftirlitsmaður er Hjalti Þór Halldórsson og varadómari er Pétur Guðmundsson

Innbyrðis viðureignir Í síðustu 10 viðureignum þessa liða hefur Stjarnan alls unnið 4 sinnum, liðin hafa gert jafntefli einu sinni og KR hefur unnið 5 sinnum. Markatalan samtal er Stjarnan með 12 mörk og KR með 15. Það gerir 2.7 mörk á leik. Liðin hafa mæst þrisvar á þessu tímabili, tvisvar í deild og einu sinni í bikar. Þar vann heimaliðið í hvert skipti en KR vann í bikar og liðin skiptu á milli sín deildar sigrunum.

21.08.23 Stjarnan 3-1 KR
06.06.23 KR 2-1 Stjarnan (bikar)
28.05.23 KR 1-0 Stjarnan
29.10.22 KR 0-2 Stjarnan
11.09.22 KR 3-1 Stjarnan
20.06.22 Stjarnan 1-1 KR
25.05.22 Stjarnan 0-3 KR (bikar)
25.09.21 Stjarnan 0-2 KR
28.06.21 KR 1-2 Stjarnan
13.09.20 KR 1-2 Stjarnan

KR-ingar ungir og sprækir KR situr í 6. sæti 3 stigum á eftir bæði FH og Stjörnunni en þeir hafa lang lélegustu markatöluna og því gæti þetta reynst algjör úrslitaleikur fyrir þá ef þeir ætla að berjast um þetta evrópusæti. Aldrei þessu vant eru það ungir leikmenn sem hafa verið að stela fyrirsögnunum hjá KR en Benóný Breki Andrésson (2005) hefur skorað 3 mörk í síðustu tveimur leikjum. KR gerði 2-2 jafntefli í báðum þessum leikjum á móti Víking og Val.

Talandi um ungu leikmenn KR þá hafa Jóhannes Kristinn Bjarnason (2005), Jakob Franz Pálsson (2003) og Finnur Tómas Pálmason (2001), allir spilað stórt hlutverk með KR í sumar. Það ætti að gefa KR-ingum von fyrir komandi ár jafnvel þó að þeim tækist ekki að taka evrópusætið í komandi leikjum.
Benóný Breki Andrésson

Stjörnumenn í góðu formi Stjarnan situr í 4. sæti sem gefur evrópukeppni á næsta tímabili en eru jafnir á stigum við FH þegar 3 leikir eru eftir af tímabilinu. Garðbæingar töpuðu fyrsta leiknum í umspilinu gegn Val 2-0 en unnum síðan FH um síðustu helgi 3-1 þar sem Eggert Aron Guðmundsson átti stjörnuleik og skoraði 2 mörk.

Það má mögulega búast við markaleik þar sem KR-ingar hafa verið duglegir að fá á sig mörk upp á síðkastið og menn á borð við Emil Atlason og Eggert hafa svo sannarlega verið á skotskónum á þessu tímabili.
Eggert Aron Guðmundsson

Stórleikur um evrópusæti Komiði sæl og verið velkomin í beina textalýsingu frá leik Stjörnunnar gegn KR í efra umspili Bestu deild karla.

Leikurinn hefst klukkan 19:15 og verður spilaður á Samsungvellinum í Garðabæ.