Viðtal við Rúnar Pál fyrir leik dagsins

   06.10.2023 23:55

Rúnar Páll fullur tilhlökkunar: Allt í lagi að breyta þeirri staðreynd á morgun

Dómarinn Jóhann Ingi Jónsson fær það verkefni að dæma þennan leik hér í dag en honum til aðstoðar verða þeir Gylfi Már og Hreinn Magnússon.

Varadómari er Arnar Ingi Ingvarsson

Svona geta Fylkir og Fram fallið í dag Til að Fylkir falli: þá þarf ÍBV að vinna og Fylkir að tapa gegn Fram. Ef Fylkir gerir jafntefli við Fram þarf ÍBV að vinna með fjórum mörkum til að senda Fylki niður.

   05.10.2023 10:30

Fjögur lið geta fallið í lokaumferðinni - Nokkrar sviðsmyndir

Til að Fram falli: þá þarf Fram að tapa, ÍBV að vinna og HK að fá a.m.k. stig gegn KA eða tapa með minni mun gegn KA en Fram gegn Fylki. Einnig þarf ÍBV að vinna upp átta marka mismun í markatölu.

Ungir leikmenn Fram verið að láta ljós sitt skína Í neðri hlutanum hefur verið mikið og réttilega verið talað um ungu leikmenn Fram sem hafa verið að standa sig alveg gríðarlega vel, sérstaklega þeir Breki Baldurs, Þengill Orra, Sigfús Árni og 10. bekkjar drengurinn Viktor Bjarki Daðason.

„Það var þannig frá byrjun með Breka, eftir að hann byrjaði að æfa með okkur alveg þá sá maður að hann var að taka hröðum framförum. Hann var að stækka og styrkjast og allur pakkinn. Hann fór beint inn í liðið. Síðan komu upp meiðsli og veikindi í hópnum og þannig fá Þengill og Sigfús sénsinn sem þeir nýttu svona helvíti vel og hafa bara spilað síðan."

„Það er ógeðslega gaman að sjá unga stráka grípa tækifærið, maður samgleðst þeim persónulega mjög mikið. Það er frábært hvað þeir eru búnir að standa sig vel og hjálpa liðinu mikið. Þetta er flott staða fyrir alla, þannig séð."

Fylkismaðurinn getur fellt þá í Lengjudeildina Raggi Sig þjálfari Framara er eins og flestir vita uppalinn Fylkismaður en með sigri Fram er möguleiki á því að Fylkir falli.

   06.10.2023 13:00

Snýr aftur í Árbæinn og gæti fellt uppeldisfélagið - „Mættur til að vinna"

"Ég er í rauninni ekkert að líta á þetta eins og þú spyrð mig að þessu núna, og margir eru með þessar pælingar að þetta gæti verið skrítinn leikur og allt það. Ég er bara gíraður og peppaður í alla leiki og er ekkert að spá í þessa hluti, ég verð bara mættur til að vinna." Sagði Raggi í viðtali við .net á dögunum.

Slúðursögur í gangi Í nýjasta slúðurpakka Fótbolta.net kom þetta fram hvað varðar Fylki og Fram.

"Árbæingar eru rólegir í sínum leikmannamálum. Arnór Gauti Jónsson, Ólafur Karl Finsen og Unnar Steinn Ingvarsson eru að verða samningslausir og það eru vangaveltur með þeirra framtíð. Unnar Steinn verður líklega ekki áfram. Fylkismenn vilja halda Sveini Gísla Þorkelssyni sem hefur verið á láni frá Víkingum.

"Það eru góður möguleiki á því að Ragnar Sigurðsson verði áfram þjálfari liðsins á næsta tímabili. Annar maður sem er á lista hjá Fram er sjálfur Rúnar Kristinsson. Chris Brazell og Þorvaldur Örlygsson eru einnig sagðir á blaði. Jannik Pohl, sóknarmaður Fram, hefur vakið áhuga liða í efri helmingi Bestu deildarinnar. Magnús Ingi Þórðarson er að skoða í kringum sig og þá er möguleiki á því að Þórir Guðjónsson muni kalla þetta gott og leggja skóna á hilluna."

LOKAUMFERÐ BESTU DEILDARINNAR Það er komið að þessu, síðasta umferðin í Bestu deild karla fer af stað í dag og það kemur í ljós í kringum 16:00 hvaða lið mun falla með Keflavík, þessi tvö lið Fylkir og Fram eru ennþá í fallhættu og það gæti allt gerst á þessum síðasta degi neðri hlutans!

Þetta verður eitthvað

Besta-deild karla - Efri hluti
14:00 Víkingur R.-Valur (Víkingsvöllur)
14:00 FH-KR (Kaplakrikavöllur)

Besta-deild karla - Neðri hluti
14:00 ÍBV-Keflavík (Hásteinsvöllur)
14:00 Fylkir-Fram (Würth völlurinn)
14:00 KA-HK (Greifavöllurinn)