Liðin ganga hér út á völl og Sambandsdeildarstefið hljómar hátt í hátalarakerfinu.

Það er ískalt á Kópavogi í dag. Hitinn í kringum frostmark.

Mikil löggæsla Það er gríðarlega mikið magn af lögreglufólki í kringum völlinn út af mótmælum. Það er fólk fyrir utan völlinn með fána Ísrael og svo er miklu fleira fólk með fána Palestínu. Andrúmsloftið er spennuþrungið.

Engar breytingar Halldór Árnason mætir með nákvæmlega sama byrjunarlið og í síðasta leik gegn Gent. Það var flottur leikur að hálfu Blika þó hann hafi endaði með 2-3 sigri belgíska liðsins.

Svona er byrjunarlið Breiðabliks

Síðasti leikur góður Síðasti leikur Breiðabliks í riðlinum var gegn Gent frá Belgíu en hann var virkilega góður að mörgu leyti. Blikar spiluðu mjög vel og komust 2-1 yfir, en þeir enduðu á því að tapa 2-3. Gent fékk ódýra vítaspyrnu en Blikar hefðu átt skilið að fá allavega eitt stig úr þeim leik. Það er vonandi að þeir nái að fylgja þeirri frammistöðu eftir í dag.

Síðasti leikur á móti Maccabi Breiðablik spilaði við Maccabi í Ísrael í september og var það áhugaverður leikur. Maccabi komst þar í 3-0 í fyrri hálfleik en Blikar komu sér inn í leikinn með því að svara með tveimur mörkum frá Klæmint Olsen. Því miður náðu Blikar ekki að pota inn einu eða tveimur mörkum til viðbótar.

Líklega er hættulegasti leikmaðurinn í liði Maccabi sóknarmaðurinn Eran Zahavi. Hann er 36 ára gamall en á mjög öflugan feril að baki. Hann hefur til að mynda skorað 34 mörk í 73 landsleikjum fyrir Ísrael.

Robbie Keane léttur Írinn Robbie Keane er þjálfari Maccabi. Hann mætti á fréttamannafund í gær og var þar mjög léttur. Fyrir fund heilsaði Keane upp á fréttamenn Fótbolta.net og mbl.is, tók í hönd þeirra og sagði 'football' til að ítreka að til umræðu væri aðeins leikurinn á morgun. Hann sagði í kjölfarið að það væri ekki eins kalt á Íslandi og hann hafði heyrt frá öðrum.

Þegar Keane var spurður út í stöðuna á hópnum; hvort það væri einhver sem gæti ekki spilað leikinn á morgun, svaraði hann:

„Ég get ekki spilað," sagði Keane og brosti. Hann er 43 ára og lagði skóna á hilluna fyrir fimm árum síðan. Hann var á sínum tíma leikmaður Tottenham og Liverpool. Hann sagði svo að það væru engin ný meiðsli í hópnum.

Jason tilbúinn að fylla skarðið Jason Daði Svanþórsson er klár í að fylla skarð Klæmint Olsen sem fremsti maður hjá Breiðabliki, en þetta er staða sem mun hann spila meira í framtíðinni. Þetta sagði Halldór Árnason, þjálfari Blika, fyrir leikinn gegn Maccabi Tel Aviv á blaðamannafundi í gær.

Klæmint yfirgaf Blika fyrr í þessum mánuði er lánssamningur hans við félagið rann út. Hann skoraði 13 mörk í öllum keppnum með Blikum, þar af þrjú Evrópumörk.

Jason Daði hefur komið sterkur inn. Hann skoraði tvö mörk á móti Gent í síðasta leik Blika í Sambandsdeildinni og spilaði þá sem fremsti maður á móti Stjörnunni í Bose-mótinu. Er möguleiki að hann taki að sér þetta hlutverk í framtíðini?

„Það er klárlega möguleiki og eitthvað sem mun gerast hjá Jasoni í framtíðinni að hann verði meiri ógn centralt á vellinum. Sjáum til á morgun hvernig það verður, en í Stjörnuleiknum spilaði hann í níunni og stóð sig vel, en hann getur fleiri stöður en á kantinum,“ sagði Halldór.

Breiðablik haldið sér í gangi með leikjum í Bose-mótinu Það eru allir leikmenn Blika klárir í slaginn fyrir leikinn á eftir nema Patrik Johannessen sem er enn á meiðslalistanum. Staðan á hópnum er góð en liðið hefur haldið sér í gangi með leikjum í Bose-mótinu. Breiðablik hefur þar unnið góða sigra gegn Stjörnunni og KR.

Mótmæli fyrir leikinn Ástandið í Ísrael og Palestínu er á marga vörum og hefur meðal annars verið kallað eftir þvi að Breiðablik mæti hreinlega ekki til leiks. Boðað hefur verið til mótmæla fyrir leikinn.

"Ég er bara að pæla í því sem gerist inn á vellinum, er ráðinn í það að vera með eitthvað plan á þessum 90 mínútum sem leikurinn fer fram. Ég ætla ekki að tjá mig meira um það sem gerist þess fyrir utan og reyna spá sem minnst í það. Fyrir okkur er þetta bara fótboltaleikur og hefðbundinn undirbúningur fyrir hann," sagði þjálfari Breiðabliks fyrir leikinn.

Höskuldur Gunnlaugsson, sem er fyrirliði Breiðabliks, var einnig spurður út í stöðuna í gær.

„Maður er mennskur og tekur eftir umræðunni, en eins og Dóri segir og ég tek undir það, þá reynum við að einblína á það sem við höfum tök á. Það er þessi leikur, þessi 90 mínútna viðburður á morgun. Þangað leitar fókusinn okkar."

Leikurinn byrjar 13:00 og er á Kópavogsvelli Það var tilkynnt á dögunum að þessi leikur hefði verið færður yfir á Kópavogsvöll. Breiðablik hefur spilað leiki sína á Laugardalsvelli í riðlakeppninni en leikurinn var færður þar sem þjóðarleikvangurinn er ekki talinn leikfær. Þetta er fyrsti leikur dagsins í riðlakeppninni en fljóðljósin á Kópavogsvelli uppfylla ekki kröfur UEFA.

"Það er auðvitað draumur að fá að spila einn leik á Kópavogsvelli í þessari riðlakeppni, tökum því auðvitað fagnandi. Leiktíminn gerir kannski okkar fólki erfitt fyrir að mæta og fylla völlinn, og lítill fyrirvari til að undirbúa það sem þurfti að gera og að annað. En frábært að fá einn leik á Kópavogsvelli," sagði Halldór Árnason, þjálfari Breiðabliks, á fréttamannafundi í gær.

Staðan í riðlinum 1. Gent - 10 stig
2. Maccabi Tel Aviv - 9 stig
3. Zorya - 4 stig
4. Breiðablik - 0 stig

Góðan daginn! Verið velkomnir kæru lesendur í beina textalýsingu frá leik Breiðabliks og Maccabi Tel Aviv í riðlakeppni Sambandsdeildarinnar. Þessi leikur er í fimmtu umferð riðlakeppninnar.