Liðin ganga inn á völlinn Palli Kristjáns, formaður KR, er klár í að afhenda Kennie viðurkenningarskjöld. Myndir frá Hafliða af þessu detta inn innan skamms.

,,Frábær leikmaður, frábær persóna og mikill karakter," segir Kristinn Kjærnested sem lýsir leiknum á Stöð 2 Sport.

Kennie Chopart verður heiðraður fyrir leik Daninn Kennie Chopart gekk í raðir Fram frá KR í vetur eftir að hafa verið í Vesturbænum frá tímabilinu 2016.

KR-ingar ætla að heiðra Kennie fyrir leikinn.

Gamli heimavöllur Ryder Þjálfari KR er auðvitað fyrrum þjálfari Þróttara. Hann var þjálfari liðsins tímabilin 2014-2017.

Byrjunarliðin klár Það er einungis ein breyting á byrjunarliðunum frá því í síðustu umferð. Sú breyting er Fram-megin. Rúnar Kristinsson setur Hornfirðinginn Frey Sigurðsson inn í liðið fyrir KR-inginn Tryggva Snæ Geirsson. Jannik Pohl er enn fjarverandi hjá Fram en hann missti einnig af tapleiknum gegn Víkingi.

Gregg Ryder, þjálfari KR, gerir enga breytingu á sínu liði frá leiknum gegn Stjörnunni í 2. umferð. Það eru hins vegar breytingar á bekknum. Eyþór Aron Wöhler og Aron Þórður Albertsson koma inn fyrir Birgi Stein Styrmisson og Óðinn Bjarkason sem eru utan hóps í dag.

Það er ein breyting á bekknum hjá Fram. Sigfús Árni Guðmundsson er ekki í hóp en inn kemur Egill Otti Vilhjálmsson.

Helgi Mikael Jónasson með flautuna Egill Guðvarður Guðlaugsson og Antoníus Bjarki Halldórsson eru aðstoðardómarar, Halldór Breiðfjörð Jóhansson er eftirlitsmaður KSÍ og Gunnar Freyr Róbertsson er fjórði dómari.

Nadía spáir í spilin Nadía Atladóttir, leikmaður Vals, er spákona umferðarinnar.

Hún spáir KR sigri.

KR 2 - 0 Fram
Áhugaverður leikur. KR heldur sigurgöngu sinni áfram og þeir ætla ekki fara að tapa fyrir fyrrverandi þjálfaranum sínum, væri skandall.

Nýr leikmaður Eyþór Aron Wöhler var um síðustu helgi keyptur til KR frá Breiðabliki. Eyþór undirstrikar að Gregg Ryder sé með 'a license to cook'.

Hann sagði svo í viðtali við Stöð 2 að hann ætlaði sér að vera jafn iðinn við kolann og Olga Færseth á sínum tíma.

Góð byrjun hjá báðum liðum KR hefur unnið fyrstu tvo leiki sína í mótinu. KR vann 3-4 útisigur gegn Fylki í fyrsta leik og svo Stjörnuna á útivelli, 1-3, í leik tvö.

Fram vann sannfærandi 2-0 sigur á Vestra í leik eitt en tapaði svo ósanngjarnt gegn Víkingi, 0-1, í leik tvö.

Ryder með fullt hús stiga

Goðsögnin kvaddi síðasta haust Rúnar Kristinsson fékk ekki nýjan samning sem þjálfari KR síðasta haust. Hann var þjálfari liðsins tímabilin 2010-2014 og svo aftur tímabilin 2018-2023. Hann varð þrisvar sinnum Íslandsmeistari og þrisvar sinnum bikarmeistari sem þjálfari liðsins.

Hann var svo ráðinn þjálfari Fram í vetur og er að fara mæta KR í fyrsta sinn í keppnisleik í dag. Fyrr í vetur mættust liðin í Reykjavíkurmótinu.

Í beinni úr Laugardalnum Góðan daginn lesendur kærir og veriði velkomnir í beina textalýsingu frá endurkomu Rúnars Kristinssonar í... Laugardalinn. Leikurinn í dag er heimaleikur KR en þar sem Meistaravellir eru ekki klárir í að fótboltaleikur fari þar fram var hringt í Þróttara og heimavöllur þeirra fenginn - AVIS völlurinn.