Dómarateymið KSÍ fór í efstu skúffu þegar fundinn var dómari til að skreppa til eyja í geggjuðu veðri á sumardaginn fyrsta.

Vilhjálmur Alvar Þórarinsson dæmir leikinn og er með þá Berg Daða Ágústsson og Jakub Marcin Róg sér til aðstoðar á línunum. Reynir Ingi Finnsson er skiltadómari og KSÍ sendir Hjalta Þór Halldórsson til að hafa eftirlit með störfum dómara og umgjörð leiksins.

Gengið til þessa ÍBV hóf keppni í 2. umferðinni þetta árið en þá fengu þeir KFG í heimsókn 13. apríl síðastliðinn og vann þá 5 - 1 sigur.


ÍBV 5 - 1 KFG
1-0 Vicente Rafael Valor Martinez ('13)
2-0 Sverrir Páll Hjaltested ('14)
3-0 Vicente Rafael Valor Martínez ('47)
4-0 Nökkvi Már Nökkvason ('50)
5-0 Víðir Þorvarðarsno ('60)
5-1 Guðjón Ernir Hrafnkelsson ('85, sjálfsmark)

Grindavík byrjaði líka í 2. umferðinni. Þeir heimsóttu Hvíta Riddarann á Malbiksstöðina að Varmá 12. apríl síðastliðinn og unnu 0 - 3 sigur.

Hvíti riddarinn 0 - 3 Grindavík
0-1 Josip Krznaric ('14)
0-2 Hassan Jalloh ('70)
0-3 Dennis Nieblas Moreno ('88)

Grasleikur í eyjum Góðan dag og verið velkomin í beina textalýsingu frá Hásteinsvelli í Vestmannaeyjum.

Hér mætast ÍBV og Grindavík í stórleik í 32 liða úrslitum Mjólkurbikars karla. Leikurinn hefst klukkan 14:00. Þetta er annar grasleikur sumarsins í Vestmannaeyjum.