Það er afar fámennt á vellinum, en það er góðmennt!

Bæði lið búin með upphitun og farin inn í klefa. Styttist í að flautað verði á.

Það er rigningarlegt á Hlíðarenda og nokkrir dropar falla af himnum. Átta gráðu hiti. Stórkostlegar aðstæður fyrir fótbolta.

Byrjunarlið Víkinga Fyrirliðinn Selma Dögg Björgvinsdóttir snýr aftur í byrjunarliðið eftir að hafa byrjað óvænt á bekknum gegn Fylki. Þá kemur hin mjög svo efnilega Freyja Stefánsdóttir einnig inn í liðið aftur. Sama lið og byrjaði fyrsta leikinn gegn Stjörnunni.

Byrjunarlið Víkings:
1. Sigurborg K. Sveinbjörnsdóttir (m)
4. Erna Guðrún Magnúsdóttir
5. Emma Steinsen Jónsdóttir
6. Gígja Valgerður Harðardóttir
8. Birta Birgisdóttir
9. Freyja Stefánsdóttir
10. Selma Dögg Björgvinsdóttir (f)
11. Hafdís Bára Höskuldsdóttir
21. Shaina Faiena Ashouri
24. Sigdís Eva Bárðardóttir
26. Bergdís Sveinsdóttir

Byrjunarlið Vals Hin bráðefnilega Ragnheiður Þórunn Jónsdóttir fer á bekkinn og í hennar stað kemur Fanndís Friðriksdóttir inn í liðið.

1. Fanney Inga Birkisdóttir (m)
2. Hailey Whitaker
8. Kate Cousins
9. Amanda Jacobsen Andradóttir
10. Berglind Rós Ágústsdóttir (f)
11. Anna Rakel Pétursdóttir
19. Anna Björk Kristjánsdóttir
21. Lillý Rut Hlynsdóttir
22. Guðrún Elísabet Björgvinsdóttir
23. Fanndís Friðriksdóttir
29. Jasmín Erla Ingadóttir

Byrjunarliðin klár Það er engin Berglind Björg Þorvaldsdóttir í leikmannahópi Vals fyrir leikinn í kvöld. Það er ein breyting á byrjunarliði Vals á milli leikja og það eru tvær breytingar á byrjunarliði Víkinga.

Twana dæmir leikinn Einn af okkar efnilegustu dómurum.

Valsliðið ógnarsterkt þrátt fyrir gríðarlegar breytingar Valur hefur misst heilt byrjunarlið af afar sterkum leikmönnum frá því í fyrra. Leikmenn hafa farið í atvinnumennsku erlendis, erlendir leikmenn hafa farið annað og þá hafa nokkrir leikmenn farið í önnur íslensk félög. Arna Sif Ásgrímsdóttir er þá meidd og spilar ekkert í sumar.

Þetta er lið sem myndi líklega gera atlögu að Íslandsmeistaratitlinum.



Þrátt fyrir að hafa misst svona marga öfluga leikmenn, þá er Valur það lið sem flestir spá Íslandsmeistaratitlinum og fékk liðið fullt hús stiga í spá Fótbolta.net fyrir mótið. Þær hafa bætt við sig öflugum leikmönnum og eru áfram með líklega besta leikmann deildarinnar í Amöndu Andradóttur.

Sigurhugarfarið á Hlíðarenda er mikið og það kemur ekkert annað til greina en að vinna Íslandsmeistaratitilinn, og það skiptir engu hversu margar fara frá félaginu.

Svona er umferðin fimmtudagur 2. maí
18:00 Þór/KA-Þróttur R. (Boginn)
18:00 Valur-Víkingur R. (N1-völlurinn Hlíðarenda)
19:15 Fylkir-Keflavík (Würth völlurinn)

föstudagur 3. maí
18:00 Stjarnan-Tindastóll (Samsungvöllurinn)
18:00 Breiðablik-FH (Kópavogsvöllur)

Amanda og Jasmín hafa verið að ná vel saman

Frábærar í byrjun móts Í liði Vals eru tveir leikmenn sem hafa verið í liði umferðarinnar í báðum umferðunum til þessa. Það eru Amanda Andradóttir og Jasmín Erla Ingadóttir. Þær hafa verið að ná virkilega vel saman í sóknarleiknum en Amanda var valin besti leikmaður 1. umferðar.



Í liði Víkings hefur Sigdís Eva Bárðardóttir farið frábærlega af stað og verið í liði umferðarinnar í báðum umferðunum. Sigdís Eva er aðeins 17 ára gömul en hún er einn efnilegasti leikmaður landsins, án nokkurs vafa.

Spilar Berglind Björg? Það styttist í að byrjunarliðin verði tilkynnt fyrir leikinn á Hlíðarenda. Berglind Björg Þorvaldsdóttir gekk nýverið í raðir Vals og spurning er hvort hún spili sinn fyrsta leik í dag. Berglind er að koma til baka eftir að hafa eignast sitt fyrsta barn.

Fréttir um þessi lið fyrir mót

Víkingur ekki enn tapað Víkingar eru nýliðar, en þær eru engir eðlilegir nýliðar. Komu upp sem bikarmeistarar og eru taplausar í fyrstu tveimur leikjunum. Þær unnu Stjörnuna 1-2 í fyrsta leik og gerðu svo 2-2 jafntefli gegn Fylki í síðasta leik.

Valur með fullt hús stiga Íslandsmeistarar Vals hafa byrjað tímabilið afar vel þrátt fyrir miklar breytingar á leikmannahópnum. Þær byrjuðu á því að vinna sannfærandi 3-1 sigur gegn Þór/KA í fyrsta leik og tóku svo sigur í Laugardalnum gegn Þrótti í síðasta leik, 1-2.

Spáir sigri Vals Hildur Karítas Gunnarsdóttir, leikmaður Aftureldingar, tók að sér það verkefni að spá í leikina sem eru framundan í Bestu deild kvenna.


Valur 3 - 1 Víkingur R.
Valur í hefndarhug eftir meistara meistaranna, tapa ekki aftur á heimavelli. Amanda heldur áfram að skora og Mosókonan okkar Guðrún Elísabet hendir í mark líka.

Íslandsmeistararnir gegn bikarmeisturunum Þetta eru ríkjandi Íslandsmeistarar að spila við ríkjandi bikarmeistara. Liðin mættust í Meistarakeppni KSÍ áður en Besta deildin hófst og það var hörkuleikur. Sigdís Eva Bárðardóttir kom Víkingi yfir en Amanda Andradóttir jafnaði svo fyrir Val. Víkingar unnu svo í vítakeppni.

Góðan daginn! Verið velkomnir kæru lesendur í beina textalýsingu frá leik Vals og Víkings í Bestu deild kvenna!