Styttist Þá ganga liðin til vallar á meðan lagið mjólk er góð ómar í tækjunum.

Styttist í þessa veislu.

Allir sem hafa mætt á æfingu hjá JP hvattir að mæta

Ég er búinn að reikna það ut að ef helmingur allra þeirra sem hafa einhverntima mætt a æfingu hjá mér mæta a þennan leik þá verður sett aðsóknarmet í kvöld.
Gafferinn reiknar með því! https://t.co/FrhR9NeM2W

— Jón Páll Pálmason (@jonpall_) May 17, 2024

Liðin eru mætt út á völl að hita upp. Það eru geggjaðar aðstæður hérna í Úlfarsárdalnum. Allir á völlinn!

Byrjunarlið Fram

Byrjunarliðið gegn @IHKnattspyrna er tilbúið. Gaman að sjá Brynjar Gauta koma til baka. Stefán Þór og Egill Otti fá tækifærið í byrjunarliðinu. @geiramenn @bestadeildin #FRAIH || #FRAM pic.twitter.com/aDqB4Q7Uut

— Fram (@FRAMknattspyrna) May 17, 2024

Byrjunarlið ÍH

Byrjunarliðið klárt gegn Fram í 16-liða úrslitum Mjólkurbikarsins!

Atli Gunnar spilar sinn fyrsta leik fyrir félagið!

Rósir eru rauðar????
Fjöllin eru blá????
Hverjir eru bestir? ÍH ????#Road2Europe pic.twitter.com/GvEzRZFUhd

— ÍH Knattspyrna (@IHKnattspyrna) May 17, 2024

ÍH að breyta til

Við í @IHKnattspyrna ætlum að heiðra @fhingar , stollt okkar Hafnfirðinga, með því að leika í svörtu og hvítu gegn Fram í bikarnum. Glugginn er galopinn, hver af þessum 4 ætli verði a skýrslu hjá okkur a mrg? pic.twitter.com/JCnVPVtH9F

— Jón Páll Pálmason (@jonpall_) May 16, 2024

Fyrsti byrjunarliðsleikur á árinu Brynjar Gauti byrjar sinn fyrsta mótsleik í ár gegn ÍH í kvöld.

Hvergi sýndur Leikurinn verður hvergi sýndur þannig það er um að gera og taka rúntinn í Úlfarsárdalinn í kvöld og sjá þennan bikarslag.

Of stórt verkefni fyrir þjálfarateymi ÍH 16-liða úrslit Mjólkurbikarsins er í fullum gangi en hann Arnar Daði Arnarsson, Sérfræðingurinn sjálfur, spáir í leikina.

Fram 8 - 0 ÍH (Í kvöld 19:15)
Rúnar Kristinsson leyfir Úlfarsárdalnum að dreyma. Of stórt verkefni fyrir þjálfarateymi ÍH að eiga við Rúnar Kristins og félaga.

Fyrsta skiptið í sögunni Þessi lið hafa aldrei mæst í fótboltaleik samkvæmt vefsíðu KSÍ. Fáum við cupset?

Teymið Helgi Mikael Jónasson mun stýra flautukonsertinu í kvöld. Honum til aðstoðar verða þeir Egill Guðvarður Guðlaugsson og Hreinn Magnússon. Gunnar Freyr Róbertsson verður skiltadómari í kvöld en eftirlitsmaður KSÍ er Jón Sigurjónsson.

Framarar komið öllum á óvart Það er mjög jákvæður andi í Úlfarsárdalnum sem maður skynjar. Það er mikill meðbyr með Frömurum og þeir hafa svo sannarlega farið vel af stað í deild þeirra Bestu í sumar. Eini leikurinn sem þeir hafa tapað í deildinni var gegn Íslands- og bikarmeisturum Víkings Reykjavík. En það er spurning hvort þeir áttu hreinlega að tapa þeim leik eftir risastór dómaramistök. Rúnar Kristinsson, sem tók við liðinu í vetur, hefur svo sannarlega verið að gera frábæra hluti í dal draumana.


Leið Fram í leikinn
Leið Framara í leikinn í kvöld er aðeins styttri en hjá ÍH. En þeir þurftu bara að vinna FC Árbæ í 32-liða úrslitunum sem þeir gerðu örugglega. Hér í kvöld mæta þeir öðru 3. deildarliði. Heppnir með drætti Framarar.

Leið ÍH í leikinn ÍH er eina liðið eftir í keppninni sem byrjaði í 1. umferðinni í bikarnum. Þar tóku þeir stóru strákana í Létti 7-2. Í 2. umferð fengu þeir Ými í heimsókn og fóru áfram eftir vítaspyrnukeppni. Þeir voru síðan mjög heppnir með drátt í 32-liða úrslitunum þegar þeir fengu Hafni á heimavelli 4-2. Núna fá þeir alvöru próf gegn Bestu deildarliðinu Fram sem hefur farið feykivel af stað.


13 mörk í tveimur leikjum í deildinni
ÍH menn hafa á einhvern ótrúlegan hátt alltaf náð að bjarga sér frá falli úr 3. deildinni á lokadeginum. Núna fara þeir ágætlega af stað en þeir eru með hörkulið í deildinni. Í fyrstu tveimur leikjum deildarinnar hafa þeir unnið Elliða 5-3 og tapað á móti KV 3-2. Það eru alltaf mörk í leikjum ÍH en í fyrstu tveimur deildarleikjum þeirra hafa þeir skorað 7 mörk og fengið á sig 6. Samtals 13 mörk, alvöru veisluleikir sem þeir eru að bjóða okkur upp á. Fáum við markaveislu í kvöld?

Bikarinn heldur áfram Góðan og blessaðan. Veriði hjartanlega velkomin í þessa þráðbeinu textalýsingu frá leik Fram og ÍH í 16-liða úrslitum Mjólkurbikarsins. Það má segja að það er ekkert lið líklegra að fara áfram í 8-liða úrslitin í Mjólkurbikarnum en Fram. En við skulum ekki afskrifa ÍH. Bikarinn er keppni óvæntra úrslita.