Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   sun 01. febrúar 2015 22:26
Alexander Freyr Tamimi
Fótbolta.net mótið C-deild: Kári sigraði Þrótt Vogum
Kári vann Þrótt Vogum.
Kári vann Þrótt Vogum.
Mynd: Kári
Kári 4 - 1 Þróttur Vogum

Káramenn unnu sinn fyrsta leik í Fótbolta.net mótinu í hádeginu gegn fínu liði Þróttar frá Vogum.

Káramenn voru mun meira með boltann og áttu mun fleiri sóknarfæri, en Þróttarar lágu aftarlega og beittu hröðum skyndisóknum. Þróttur komst í 0-1 í fyrri hálfleik eftir flotta skyndisókn en markið skoraði Magnús Ólafsson. Þróttarar héldu forystunni í leikhlé 0-1.

Káramenn komu mjög ákveðnir inn í seinni hálfleik og strax á upphafsmínútunum fengu Káramenn vítaspyrnu þegar brotið var á Jósef Halldór Þorgeirssyni innan teigs. Ragnar Þór Gunnarsson steig á punktinn og skoraði með öruggu skoti.

Um miðjan seinni hálfleik komust Káramenn loksins yfir en þeir voru búnir að sækja mjög mikið allan hálfleikinn. Marinó Hilmar Ásgeirsson fékk þá boltann utarlega í teignum, tók góða rispu og setti svo boltann örugglega upp í samskeytin.

Káramenn skoruðu svo tvö góð mörk undir lok leiks en þau gerðu Fjalar Örn Sigurðsson eftir góðan sprett og svo Baki Anwar eftir góðan undirbúning Jóns Björgvins Kristjánssonar.
Lokastaðan nokkuð sannfærandi 4-1 sigur Káramanna.
Athugasemdir
banner
banner