Frá æfingu á Algarve.
A-landslið kvenna mætir Noregi í Algarve í Portúgal í kvöld. Þetta er fyrstu leikurinn í Algarve mótinu sem er æfingamót sem Ísland notar til að búa sig undir lokakeppni Evrópumótsins sem fram fer í Hollandi í sumar.
Snjóþungi í Reykjavík hafði töluverð áhrif á ferðalag íslenska liðsins og missti það af tengiflugi frá Amsterdam til Portúgal. Hópurinn mætti loks til Algarve rétt eftir miðnætti á sunnudagskvöld.
Norska landsliðið er líkamlega sterkt og hættulegt í föstum leikatriðum. Leikurinn hefst kl. 18:30 á miðvikudag og verður sýndur beint á RÚV 2.
Ljóst er að Dagný Brynjarsdóttir verður ekki með í kvöld en Freyr Alexandersson landsliðsþjálfari hefur gefið það út. Dagný er að stíga upp úr meiðslum.
Ísland mætir svo Japan á föstudag og Spáni á mánudag.
Leikir dagsins á Algarve:
14:45 Japan - Spánn
18:30 Noregur - Ísland (RÚV 2)
Sjá einnig:
Sara Björk: Byrjum á baráttuleik
Athugasemdir
