Ayr United vann 1-0 sigur gegn Raith Rovers í skosku B-deildinni í gærkvöldi.
Það væri svosem ekki í frásögur færandi nema fyrir þær sakir að miðjumaður spilaði allan leikinn í marki Raith Rovers.
Hinn 32 ára gamli Ryan Stevenson sem alla jafna spilar á miðjunni neyddist til að spila í markinu vegna meiðslavandræða liðsins.
Allir þrír markverðir félagsins eru frá vegna meiðsla og skoska knattspyrnusambandið hafnaði beiðni liðsins um að fresta leiknum sökum meiðslavandræða.
Stevenson þótti standa sig ágætlega í leiknum en hann kom þá engum vörnum við þegar Ayr skoraði eina mark leiksins.
Athugasemdir