Fresta varð leik Borussia Dortmund og Sportfreuende Lotte í 8-liða úrslitum þýska bikarsins í gær þar sem snjókoma gerði völlinn óleikhæfan.
Lotte, sem leikur í 3. deildinni, hefur komið skemmtilega á óvart í þýska bikarnum í ár og meðal annars slegið út Werder Bremen og Bayer Leverkusen.
Lotte, sem leikur í 3. deildinni, hefur komið skemmtilega á óvart í þýska bikarnum í ár og meðal annars slegið út Werder Bremen og Bayer Leverkusen.
Leikmenn Dortmund voru mættir á heimavöll Lotte í gær þegar leiknum var frestað. Rúta Dortmund festist í drullu fyrir utan leikvanginn og traktor þurfti að losa hana.
Leikur liðanna hefur verið settur aftur á eftir tvær vikur en Hans-Joachim Watzke, framkvæmdastjóri Dortmund, vill að Lotte færi leikinn á annan völl.
„Þú verður að hugsa út í þetta hvort þetta geti ekki gerst aftur hér. Þetta gæti allt klikkað aftur eftir tvær vikur," sagði Watzke eftir frestunina í gær en hér að neðan má sjá fleiri myndir af ástandi vallarins.
Athugasemdir