mið 01. apríl 2015 11:28
Magnús Már Einarsson
Úlfar Hrafn í Grindavík (Staðfest)
Mynd: Fótbolti.net - Hafliði Breiðfjörð
Grindvíkingar hafa fengið Úlfar Hrafn Pálsson í sínar raðir frá Haukum.

Úlfar Hrafn hefur æft með Grindvíkingum undanfarnar vikur og hann hefur nú fengið félagaskipti.

Úlfar er uppalinn hjá Haukum en hann getur leikið í vinstri bakverði og á kantinum.

Þessi 26 ára gamli leikmaður spilaði ellefu leiki með Haukum í 1. deildinni í fyrra.

Úlfar hefur leikið allan sinn feril með Haukum fyrir utan sumarið 2012 þegar hann var á mála hjá Val.

Fyrr í vetur fór Ásgeir Þór Ingólfsson úr Haukum í Grindavík og nú hefur Úlfar Hrafn farið sömu leið en þeir félagar voru einnig báðir á mála hjá Val sumarið 2012.
Athugasemdir
banner
banner
banner
banner