„Ég er ánægður með frammistöðu minna manna, varnarskipulagið og framlagið en við verðum að gera betur í að klára færin," sagði Gregg Ryder þjálfari Þróttar eftir 3-0 tap heima gegn FH í opnunarleik Pepsi-deildar karla í dag.
Lestu um leikinn: Þróttur R. 0 - 3 FH
„Mér fannst ekki margt vera gert rangt hjá okkur utan þess að nýta færin. Mér fannst við vera betra lið en FH í fyrri hálfleik, stýrðum leiknum og sköpuðum fleiri færi en nýttum þau ekki."
„Það er margt gott að taka út úr þessum leik. Við vorum jafnokar meistaranna lungað úr leiknum en við verðum að skora mörk og það mun gerast. Það féll ekki með okkur næst getum við skorað þrjú eða fjögur."
„Markvörðurinn þeirra sýndi mikil gæði, hann er frábær markvörður sem varði frábærlega. Á öðrum degi hefðum við skorað 3-4 mörk og fengið eitthvað út úr leiknum en svona er fótboltinn."
Þróttur tók undarlega hornspyrnu í fyrri hálfleiknum þar sem allir leikmenn voru á miðjum vellinum en brunuðu svo inn í teiginn en náðu ekki boltanum. Hvað var þetta?
„Ég verð að hrósa Binna (Brynjar Gestsson aðstoðarþjálfari) fyrir þetta. Hann gerði þetta gegn mér í fyrra þegar hann stýrði Fjarðabyggð og svo gerðum við það gegn honum. Þetta er áhugavert og öðruvísi en það þarf að prófa eitthvað öðruvísi á móti þessum góðu liðum."
Athugasemdir