Karl Brynjar Björnsson fyrirliði Þróttar.
„Ég held við höfum sýnt öllum gagnrýnisröddum í dag að við erum ekki að fara í leiki til að tapa þeim, og ekki bara í þessari deild til að sparka boltanum fram og gefast upp," sagði Karl Brynjar Björnsson fyrirliði Þróttar eftir 0-3 tap gegn FH í opnunarleik Pepsi-deildarinnar í dag.
Lestu um leikinn: Þróttur R. 0 - 3 FH
„Ég held að við höfum fengið tvo eða þrjá mjög góða sénsa til að skora og líka í stöðunni 0-0. Við fengum þetta fyrsta mark á okkur og héldum áfram eftir það. Það var svo skellur að fá á sig þetta seinna mark, við vorum farnir að sækja of mikið og þeir klára sín færi."
„Við börðumst allan leikinn eins og ljón. Þetta er besta liðið á landinu í dag og við stóðum í þeim og mér fannst við vera betri á köflum. Við tökum það út úr þessum leik."
Nánar er rætt við hann í sjónvarpinu hér að ofan.
Athugasemdir
