Þriðja leik dagsins í La Liga á Spáni var að ljúka, en Getafe sótti Deportivo La Coruna heim.

Getafe hefur verið í vandræðum á þessu tímabili, en þeir náðu forystunni rétt fyrir leikhlé þegar Pedro Leon skoraði.

Staðan var því 1-0 í hálfleik fyrir Getafe. Um miðjan seinni hálfleikinn fékk Celso Borges, leikmaður Deportivo að líta sitt annað gula spjald og þar með rautt.

Getafe nýtti sér það og bætti við öðru marki þegar fimm mínútur voru eftir af venjulegum leiktíma. Carlos Vigaray var þar að verki og gríðarlega mikilvægur 2-0 sigur Getafe staðreynd.

Getafe jafnaði Rayo Vallecano og Sporting Gijon að stigum með sigrinum, en liðin eru í mikilli fallbaráttu. Deportivo er ennþá í hættu fjórum stigum frá fallsæti þegar tvær umferðir eru eftir.