Þessi hollenski reynslubolti á eitt ár eftir af samningi sínum við félagið en háværir orðrómar hafa verið á kreiki að undanförnu um að Jose Mourinho muni taka við liðinu í sumar.

Ef marka má orð van Gaal er ekkert til í þeim orðrómum.

„Þið munið sjá mig aftur hér á næstu leiktíð. Við vissum alltaf að þetta verkefni myndi taka þrjú ár. Upphaflega vildi ég bara tveggja ára samning en félagið vildi semja til þriggja ára."

„Í hverri viku undanfarna sex mánuði hef ég verið rekinn samkvæmt fjölmiðlum en ég er hérna ennþá. Þetta hefur reyndar gerst hjá öllum þeim félögum sem ég hef starfað fyrir," segir van Gaal.