Það er endanleg niðurstaða að Thomas Tuchel muni yfirgefa Bayern eftir tímabilið sama hvernig fer.
Bayern er komið í undanúrslit Meistaradeildarinnar en liðið gerði 2-2 jafntefli gegn Real Madrid í fyrri leik liðana á Allianz Arena í gær.
Jan-Christian Dreesen, framkvæmdastjóri Bayern staðfestir að sama hvernig fer í Meistaradeildinni mun Tuchel yfirgefa félagið.
„Maður verður að dæma ákvörðunina á sínum tíma. Það voru öðruvísi aðstæður. Nú er annað komið upp, það er ljóst að okkar markmið er að komast í úrslit og vonandi vinna Meistaradeildina. Við myndum vera allir ánægðir saman og ganga svo í sitthvora áttina," sagði Dreesen
Ralf Rangnick fyrrum bráðabirgðastjóri Man Utd er talinn líklegastur til að taka við af Tuchel.
Athugasemdir