Timo Werner og Ben Davies spila ekki meira með Tottenham á þessari leiktíð.
Þeir voru báðir í byrjunarliðinu í tapi gegn Arsenal um helgina en Werner þurfti að fara af velli í fyrri hálfleik en Davies var tekinn af velli undir lok leiksins.
„Werner meiddist aftan í læri og er frá út tímabilið. Davies er meiddur á kálfa sem veldur því að hann er einnig frá út tímabilið," sagði Postecoglou á fréttamannafundi í dag.
Í síðasta mánuði var það ljóst að Destiny Udogie myndi ekki spila meira á þessari leiktíð eftir að hafa gengist undir aðgerð.
Athugasemdir
