Sindri á æfingunni í dag.
Sindri Kristinn Ólafsson, 17 ára gamall markvörður Keflavíkur æfði með íslenska landsliðinu í Garðinum í morgun en liðið undirbýr sig fyrir leikinn gegn Eistlandi á Laugardalsvelli á miðvikudaginn.
Sindri Kristinn er fæddur árið 1997 og þykir mjög efnilegur. Hann vakti athygli með Keflavík í æfingamótunum í vetur.
Hann á að baki þrjá leiki fyrir U17 ára landslið Íslands.
Gunnleifur Gunnleifsson (Breiðabliki) og Ögmundur Kristinsson (Fram) eru að undirbúa sig undir leiki með félagsliðum sínum í Pepsi-deildinni á morgun og því var Hannes Þór Halldórsson (Sandnes Ulf) eini markvörðurinn eftir í hópnum.
Því var leitað til Sindra að taka þátt í æfingunni en hér að neðan má sjá fleiri myndir af honum í Garðinum í dag.
Athugasemdir
