Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
banner
   mið 01. júlí 2015 20:30
Arnar Geir Halldórsson
Adil Rami á leið til Sevilla
Adil Rami mun ekki fagna fleiri mörkum í búningi AC Milan
Adil Rami mun ekki fagna fleiri mörkum í búningi AC Milan
Mynd: Getty Images
Evrópudeildarmeistarar Sevilla hafa komist að samkomulagi við AC Milan um kaup á franska varnarmanninum Adil Rami.

Á heimasíðu Sevilla segir að tilboð félagsins hafi verið samþykkt og hann muni gangast undir læknisskoðun í næstu viku þegar hann kemur til baka úr sumarfríi sínu.

Í kjölfarið mun hann gera fjögurra ára samning við Sevilla en kaupverðið er talið vera tæpar 4 milljónir evra.

Rami þekkir vel til La Liga en hann lék með Valencia í þrjú ár við góðan orðstír áður en hann gekk í raðir AC Milan fyrir einu og hálfu ári. Þar hefur hann átt erfitt uppdráttar líkt og aðrir leikmenn félagsins.

Sevilla hefur misst sterka leikmenn í sumar en Rami gæti orðið fyrsti leikmaðurinn sem liðið kaupir. Hins vegar er stjörnuframherji félagsins, Carlos Bacca, á leið í hina áttina en hann mun að öllum líkindum ganga í raðir AC Milan á næstu dögum.
Athugasemdir
banner
banner
banner
banner