Arturo Vidal er búinn að samþykkja samningstilboð Real Madrid samkvæmt spænska miðlinum Sport.
Samkvæmt fréttinni er Vidal tilbúinn að gera fimm ára samning við spænska stórveldið og hafa umboðsmenn kappans unnið hörðum höndum við samningagerðina undanfarna daga.
Madrídarliðið á þó enn eftir að ná samkomulagi við Juventus en vitað er að ítalska liðið mun ekki selja kappann nema fyrir háa upphæð.
Heimildir Sport herma að gengið verði frá vistaskiptunum eftir úrslitaleik Suður-Ameríkubikarsins en Vidal er lykiilmaður í liði Síle sem mætir Argentínu í úrslitaleik næstkomandi laugardag.
Vidal er 28 ára gamall en hann hefur verið orðaður við Man Utd og Arsenal í gríð og erg undanfarna daga.
Athugasemdir