„Það voru nokkrir leikmenn sem fóru ekki eftir reglum og eini kosturinn var að bregðast við því," sagði Auðun Helgason þjálfari Sindra við Fótbolta.net.

Fyrrum landsliðsmaðurinn Auðun var sjálfur á varamannabekknum sem leikmaður í gær sem og leikmenn úr yngri flokkunum.

„Ég var með takkaskóna á mér í gær og við vorum með tvo stráka úr 3. flokki í hópnum. Þetta er rosalega lítill hópur og það má ekkert út af bregða. Þetta kemur illa niður á liðinu. Það stendur samt alls ekki til að ég fari að spila enda hafði ég vit á því að setja sjálfan mig ekki inn á í gær," sagði Auðun léttur í bragði.

Næsti leikur Sindra er gegn Njarðvík á sunnudag en ekki er ljóst hvort leikmennirnir fimm muni snúa aftur fyrir þann leik.

„Ég er ekki byrjaður að hugsa það. Ég ætla að sofa á þessu í dag og á morgun. Ég hef smá svigrúm til að hugsa þessa hluti," sagði Auðun.