Heimild: Vísir
Hólmbert snýr aftur í Pepsi deildina
Hólmbert Aron Friðjónsson hefur gert tveggja og hálfs árs samning við KR. Frá þessu var greint á Vísi nú rétt í þessu.
Hólmbert verður löglegur með KR í Pepsi-deildinni þegar félagaskiptaglugginn opnar 15. júlí næstkomandi.
Líkt og við sögðum frá í gær var líklegast að hann myndi ganga í raðir Vesturbæjarliðsins en Hólmbert átti einnig í viðræðum við Breiðablik, Val og Stjörnuna.
Hólmbert var valinn efnilegasti leikmaður Pepsi-deildarinnar 2013 þegar hann fór á kostum með Fram, hann skoraði 10 mörk í 21 leik í Pepsi-deildinni, en í kjölfarið fór hann til Celtic í Skotlandi.
Hólmberti tókst ekki að brjóta sér leið inn í aðallið Celtic og var lánaður til Bröndby í fyrra.
Hann hefur nú ákveðið að koma aftur heim og mun leika með KR til ársins 2017 hið minnsta.
Athugasemdir
