Líkt og flestir vita var Suarez dæmdur í fjögurra mánaða bann fyrir að bíta Giorgio Chiellini í öxlina í leik Ítala og Úrúgvæ á HM í sumar.

Suarez þarf því að bíða með það að spila sinn fyrsta leik en verði ekkert að gert, þá verður hann í banni þar til seinni partinn í október.

Hann verður ekki einungis í leikbanni, heldur má hann ekki æfa með liðinu né fara á völlinn á meðan á banninu stendur.