Ólafur Kristjánsson, þjálfari Nordsjælland, hefur áhuga á að fá Guðmund Þórarinsson í sínar raðir frá Sarpsborg. Tipsbladet greinir frá þessu í dag.
Hinn 22 ára gamli Guðmundur hefur staðið sig vel með Sarpsborg á þessu tímabili en samkvæmt upplýsingum TIpsbladet hefur Nordsjælland fylgst með honum í meira en eitt ár.
Guðmundur er lykilmaður í U21 árs landsliði Íslands en hann verður í eldlínunni gegn Armeníu á miðvikudag.
Samningur Guðmundar við Sarpsborg rennur út eftir eitt ár en Nordsjælland gæti reynt að krækja í hann í janúar.
Þá mun Guðjón Baldvinsson koma til félagsins frá Halmstad en fyrir hjá félaginu eru hinir ungu Rúnar Alex Rúnarsson og Adam Örn Arnarson.
Athugasemdir
