Chelsea hefur gengið frá kaupum á Michael Hector frá Reading.
Hector gerir fimm ára samning við Lundúnarliðið en hann verður lánaður aftur til baka til Reading og mun spila með þeim í Championship deildinni á þessari leiktíð.
Hector er 23 ára gamall miðvörður sem hefur verið í herbúðum Reading frá 17 ára aldri en verið lánaður víða í neðri deildir Englands.
Hann er fæddur og uppalinn í Englandi en kaus að leika fyrir landslið Jamaíka og á sex A-landsleiki að baki.
Hann er annar varnarmaðurinn sem Chelsea kaupir á lokadegi félagaskiptagluggans en fyrr í dag festi félagið kaup á Papy Djilobodji frá Nantes.
Þá gerði Chelsea einnig tvær tilraunir til að fá Marquinhos frá PSG en án árangurs.
Athugasemdir