þri 01. september 2015 09:39
Magnús Már Einarsson
Van Dijk fer til Southampton í dag
Á leið til Englands.
Á leið til Englands.
Mynd: Getty Images
Southampton vonast til að kaupa miðvörðinn Virgil van Dijk frá Celtic í dag.

Talið er að kaupverðið verði í kringum 11,5 milljónir punda.

Hinn 24 ára gamli van Dijk fór í læknisskoðun í gær og ef ekkert óvænt kemur upp á í dag þá verður hann orðinn leikmaður Southampton eftir nokkra klukkutíma.

Van Dijk hefur verið í lykilhlutverki hjá Celtic síðan hann kom til félagsins frá Groningen fyrir tveimur árum.

Van Dijk er ekki í hollenska landsliðshópnum sem mætir Íslandi á fimmtudag.
Athugasemdir
banner
banner
banner