Allegri ber mikla virðingu fyrir Simeone.
Massimiliano Allegri, þjálfari Juventus, segir að Atletico Madrid hafi smitast af frábæru hugarfari þjálfarans Diego Simeone.
Juventus heimsækir Spánarmeistarana í Meistaradeildinni í kvöld og hefur Allegri mikið álit á kollega sínum í Madrídarborg.
Juventus heimsækir Spánarmeistarana í Meistaradeildinni í kvöld og hefur Allegri mikið álit á kollega sínum í Madrídarborg.
,,Við verðum að spila frábærlega og reyna að koma til baka til Tórínó með góð úrslit í farteskinu," sagði Allegri.
,,Þetta verður erfiður leikur, því Atletico er gríðarlega ákaft lið. Hugarfar og karakter Simeone, og hans gríðarlegi andlegi styrkur, smitast í liðið."
,,Þeir eru samstilltir og pressa í 90 mínútur. Það má ekki gleyma því að Simeone gerði liðið að Spánarmeisturum og var mínútu frá því að vinna Meistaradeildina."
Athugasemdir
