Það ætlaði allt um koll að keyra á St. James' Park í Newcastle á miðvikudagskvöldið er Newcastle hafði betur gegn Norwich í ótrúlegum leik, þar sem lokatölurnar urðu 4-3 fyrir heimamenn. Sigurmarkið gerði Dwight Gayle á 96. mínútu, en með því marki fullkomnaði hann þrennu sína í leiknum.
Leikmenn og stuðningsmenn Newcastle voru skiljanlega mjög ánægðir eftir að Gayle skoraði sigurmarkið svona seint í leiknum, en hinn serbneski Aleksandar Mitrovic missti sig aðeins í gleðinni ef svo má segja.
Leikmenn og stuðningsmenn Newcastle voru skiljanlega mjög ánægðir eftir að Gayle skoraði sigurmarkið svona seint í leiknum, en hinn serbneski Aleksandar Mitrovic missti sig aðeins í gleðinni ef svo má segja.
Mitrovic, sem er þekktur fyrir að vera dálítið heitur í skapi, missti sig aðeins þegar hann var að fagna markinu, hann tók um háls Gayle og reif hann niður. Það náðist myndband af þessu, en það má sjá hér neðst í fréttinni.
„Hann hristi hausinn á mér. Hann kæfði mig og hann skallaði mig. Þetta var eins og að fá hálshnykk - ég held að hann hafi verið að reyna að meiða mig!" sagði Gayle léttur.
„En hann var bara eins spenntur og við vorum allir. Þetta var alveg ótrúlegt þarna í endann."
Hér að neðan má sjá myndband af þessu
Look at Mitrovic way of congratulating Gayle for scoring 😂😂😂 #nufc pic.twitter.com/9IrtSguzdW
— Luke Butler (@LukeButler8) September 28, 2016
Athugasemdir