Það er heldur rólegur dagur í spænska boltanum í dag. Helstu stórliðin spila ekki fyrr en á morgun og það er því undir hinum komið að sýna snilli sína.

Dagurinn hefst með leik Granada og Leganes á heimavelli fyrrnefnda liðsins. Leikurinn hefst klukkan 11:00, en ólíklegt er talið að margir knattspyrnuáhugamenn hér á Íslandi rífi sig upp úr rúminu til þess að fylgjast með þeim leik.

Aðalleikurinn í dag hefst klukkan 14:15, en þá mætast Sevilla og Alaves. Sevilla-menn geta komist upp að hlið Real Madrid á toppi deildarinnar með sigri og það verður áhugavert að sjá hvað gerist þar.

Síðustu tveir leikirnir sem eru á dagsskrá í dag eru einnig heldur rólegir. Osasuna fær Las Palmas í heimsókn og þá mætast Deportivo og Sporting Gijon klukkan 18:45 í síðasta leik dagsins.