Stóri Sam gæti verið á leið í bann frá fótbolta
Sam Allardyce, Stóri Sam, gæti mögulega farið í langt bann frá fótbolta í kjölfar þess að hann var látinn hætta sem landsliðsþjálfari Englands. Frá þessu greinir Martin Glenn, framkvæmdastjóri enska knattspyrnusambandsins.
Stóri Sam Allardyce lét af störfum í kjölfar uppljóstrunar blaðamanna Telegraph sem földu myndavél á fundi með Stóra Sam þar sem hann lét gamminn geysa. Hann ræddi meðal annars um hvernig svindla ætti á reglum enska knattspyrnusambandsins og talaði illa um Roy Hodgson.
Stóri Sam Allardyce lét af störfum í kjölfar uppljóstrunar blaðamanna Telegraph sem földu myndavél á fundi með Stóra Sam þar sem hann lét gamminn geysa. Hann ræddi meðal annars um hvernig svindla ætti á reglum enska knattspyrnusambandsins og talaði illa um Roy Hodgson.
Enska knattspyrnusambandið bíður nú eftir því að fá allt í hendurnar frá Telegraph og síðan verður ákvörðun tekin gagnvart Stóra Sam.
„Það er raunhæft," sagði Glenn aðspurður að því hvort líkur væru á því að Stóri Sam verði ákærður af knattspyrnusambandinu. „Það er ekki undir mér komið að dæma, en þegar sönnunargögnin eru komin fram á yfirborðið, þá verður ákvörðun tekin út frá þeim."
Athugasemdir
