Það er spennandi dagur framundan í þýsku Bundesligunni. Sjötta umferðin hófst í gær, en í dag heldur hún áfram að rúlla með sex leikjum.

Stórlið Bayern München hefur byrjað af miklum krafti og unnið alla sína leiki hingað til. Þeir leika gegn Köla á heimavelli í dag og það verður fróðlegt að sjá hvað gestirnir gera, ná þeir að stríða Carlo Ancelotti og hans mönnum?

Það er spurning hvort Aron Jóhannsson muni leika með Werder Bremen gegn Darmstadt í dag, en hann er að koma úr leikbanni. Sá leikur hefst klukkan 13:30 líkt og áðurnefndur leikur Bayern München og Köln, en auk þess fara þrír aðrir leikir fram á sama tíma.

Lokaleikur dagsins er síðan á milli Bayer Leverkusen og Borussia Dortmund, en þar má búast við hörkuleik. Sýnt er frá leiknum í beinni útsendingu á Stöð 2 Sport 3.