Lestu um leikinn: KR 3 -  0 Fylkir

„Þetta er góður bónus og það fylgir því sigurtilfinning og vellíðan. Leikmenn, stjórn og stuðningsmenn eiga hrós skilið."

KR var í fallbaráttu þegar Willum tók við en hann skilar því í Evrópusæti og er vissulega mjög ánægður með þann árangur.

„Þetta er gamla góða KR, metnaðurinn sem ríkir í félaginu hjálpar mikið til. Mér óraði ekki fyrir þessu þegar ég steig inn í þetta verkefni, þá vorum við að fara að mæta Fylki og það lið sem yrði undir færi í fallsæti."

Willum er þingmaður og veit ekki hvort hann verði áfram með KR.

„Ég á því miður engin svör. Þetta var verkefni sem við ætluðum að klára," sagði Willum.

Viðtalið má sjá í heild sinni hér að ofan.