Anton Ari Einarsson, markvörður Vals í Pepsi-deild karla, hefur framlengt samning sinn við félagið til næstu þriggja ára.
Anton Ari, sem er fæddur árið 1994, hefur leikið 54 meistaraflokksleiki á ferli sínum þrátt fyrir ungan aldur en ásamt því að leika með Val hefur hann leikið með Afturelding og Tindastóli.
Hann var partur af U21 árs landsliðinu sem mætti Dönum í umspili um sæti á EM sem fer fram í Tékklandi á næsta ári en hann var kallaður inn í hópinn í kjölfar meiðsla Rúnars Alex Rúnarssonar.
Valsarar binda miklar vonir við Anton sem hefur farið á reynslu hjá bæði Bolton Wanderers og Manchester City.
,,Mér líst mjög vel á þetta. Óli gerði frábæra hluti með FH-liðið og var Íslandsmeistari með þeim og svo er Bjössi náttúrlega Vals-Legend svo ég held að þetta smellpassi alveg," sagði Anton við heimasíðu Vals.
Athugasemdir