Jón Dagur hefur skorað mögnuð mörk með yngri liðum Fulham.
Independent hefur birt lista yfir tíu unga fótboltamenn á Englandi sem vert er að fylgjast með á níu ári.
Jón Dagur Þorsteinsson hjá Fulham er á listanum en þessi 19 ára fótboltamaður hefur verið hjá Lundúnafélaginu síðan 2015, þegar hann kom frá HK í Kópavogi.
Jón Dagur er í U21-landsliði Íslands og hefur leikið átta leiki.
„Sönnun þess að ótrúleg þróun leikmanna á Íslandi er ekki að dvína. Táningurinn frá Reykjavík gekk í raðir akademíu Fulham sumarið 2015 og hefur heillað síðan," segir í umsögn Independent um Jón Dag.
„Sóknarmiðjumaður sem skapar og skorar mörk. Þorsteinsson er sennilega mikilvægasti leikmaður U23-liðs Fulham. Það er klárt að það styttist í tækifæri hjá aðalliðinu."
Smelltu hér til að sjá listann í heild sinni.
Athugasemdir
