10) Jurgen Klopp (Liverpool) - Frábær endir á árinu 2017 kemur Klopp á þennan lista þó stigasöfnunin á árinu hafi verið sú lakasta af liðunum í topp sex.

9) Chris Hughton (Brighton) - Flestir spáðu Brighton rakleitt niður en Hughton hefur náð að setja saman skipulag sem gerir það að verkum að liðið fær færri mörk á sig en Arsenal.

8) Claude Puel (Southampton/Leicester) - Það líta út sem mistök hjá Dýrlingunum að hafa rekið Frakkann þögla. Að ná liðinu í áttunda sæti og í bikarúrslit er hörkufínn árangur þegar horft er til baka og hann hefur fengið Leicester á gott skrið.

7) Mauricio Pochettino (Tottenham Hotspur) - 2017 var gott ár fyrir Pochettino þar sem leikirnir tveir gegn Real Madrid standa upp úr. En það eru líka neikvæðir punktar.

6) Sam Allardyce (Crystal Palace/Everton) - Vann kraftaverk með því að halda Palace uppi og var svo kallaður út sem slökkviliðsmaður til Everton sem var í miklum vandræðum. Hefur náð að rífa Everton vel í gang.

5) David Wagner (Huddersfield Town) - Hefur náð öllu sem mögulegt er að ná út úr Huddersfield og stuðningsmenn syngja að hann sé betri en Klopp! Hann er allavega ofar á þessum lista.

4) Jose Mourinho (Manchester United) - Kaflaskipt ár hjá Manchester United en Evrópudeildarsigur, deildabikar og áfram í Meistaradeildinni er ansi gott. Liðið situr nú í öðru sæti deildarinnar.

3) Pep Guardiola (Manchester City) - Enginn titill 2017 en hann notaði árið til að smíða stórkostlegt Manchester City lið. Við bíðum!

2) Antonio Conte (Chelsea) - Enginn hefur á tilfinningunni að hjónaband Conte og Chelsea verði mjög langt en það fór allavega vel af stað. Englandsmeistari á fyrsta tímabili.

1) Sean Dyche (Burnley) - Snillingur. Aðeins sjö lið hafa krækt í fleiri stig en litla liðið Burnley í ensku úrvalsdeildinni 2017. Og það þrátt fyrir að Burnley hafi misst frá sér lykilmenn.