Allegri sættir sig ekki við neitt nema sigur
Massimiliano Allegri, þjálfari Juventus, segir sína menn hafa verið mjög reiða eftir jafntefli gegn Roma.
Bakvörður Roma var rekinn af velli og Juventus komst yfir í leiknum en 10 leikmenn Roma jöfnuðu og kræktu í stig.
Bakvörður Roma var rekinn af velli og Juventus komst yfir í leiknum en 10 leikmenn Roma jöfnuðu og kræktu í stig.
Juventus er í toppsæti deildarinnar með 9 stiga forystu á Roma sem er í öðru sæti, en Allegri var óánægður með spilamennsku sinna manna undir lok leiksins.
,,Við áttum að gera betur, við spiluðum illa síðustu 20 mínútur leiksins," sagði Allegri við Sky Sport Italia eftir jafnteflið.
,,Ég var ánægður þar til á 70. mínútu. Við leyfðum Roma ekki að gera neitt þar til við komumst yfir, þá hleyptum við þeim í leikinn.
,,Við erum mjög reiðir eftir þetta jafntefli. Það er satt að níu stiga forysta er góð, en við verðum að byrja að vinna útileiki, þetta er þriðji útileikurinn í röð sem við vinnum ekki."
Athugasemdir
