Bas Dost er heitasti framherjinn í þýsku Bundesligunni þessa dagana.

Dost hefur raðað inn mörkum með Wolfsburg á þessu ári en hann skoraði tvö mörk í 5-3 sigri á Werder Bremen í gær.

Dost er núna kominn með 14 mörk í síðustu 9 leikjum en þessi 25 ára gamli leikmaður hefur ekki ennþá fengið tækifæri með landsliði Hollands. Líklegt er að það breytist eitthvað á næstunni ef hann heldur áfram á þessari braut.