Magni vann 3. deildina í fyrra.
„Nei spáin kemur mèr ekkert á òvart," segir Atli Már Rúnarsson, þjálfari Magna. Liðið vann 3. deildina í fyrra og er "spáð 5. sæti í 2. deildinni í ár.
„Ég átti von á því að vera fyrir ofan miðju í þessari spá miðað við gott gengi ì Lengjubikarnum."
„Markmiðið í sumar er að forðast falldrauginn eins og heitan eld og reyna stríða liðunum sem verða í efri hlutanum, ef allt gengur upp og við verðum heppnir með meiðsli og annað þá tel ég að við getum gert góða hluti í þessari deild."
„Leikmannahópurinn er flottur. Góð blanda af ungum strákum og nokkrum reynsluboltum," segir Atli en stefnan er þó að styrkja hópinn um 1-2 leikmenn.
„Áhuginn á Grenivík er mikill og virkilega gaman að spila þar. Mikill kraftur í mönnum sem eru í stjórn og í kringum liðið. Þarna fara fram margar vinnustundir ì óeigingjarnt starf sem margir taka ekki eftir. Svo er það bara okkar að bjóða upp á góða skemmtun á Grenivíkurvelli í sumar."
„Ég held að deildin verði mjög skemmtileg ì sumar og mín spá er sú að þetta verður þéttur pakki og ekkert lið komi til með að stinga af og ekkert lið fallið ì 17 umferð."
2. deildin hefst á föstudag en Magni byrjar á útileik gegn Völsungi.
Athugasemdir
