Það er svakalegur mánudagsleikur í enska boltanum í dag, en hann fer fram á Stamford Bridge.

Þar taka heimamenn í Chelsea á móti nágrönnum sínum í Tottenham, en Tottenham hefur spilað gríðarlega vel á þessu tímabili og eru í öðru sæti.

Tottenham er átta stigum á eftir toppliði Leicester, en Tottenham á eftir þrjá leiki og Leicester tvo.

Þess vegna dugir ekkert annað en sigur fyrir Tottenham í dag, en ef Tottenham mistekst að vinna þá verður Leicester meistari. Chelsea er í tíunda sæti með 47 stig.