Lestu um leikinn: KR 0 -  0 Víkingur R.

Gary var þó ánæður með margt, þrátt fyrir hörmulegan völl og mikinn vind sem hafði mikil áhrif á leikinn.

„Við fengum stig, við vorum mjög góðir varnarlega og sköpuðum besta færið þegar Viktor átti að skora en ég er ánægður með stigið."

„Við reyndum að spila en það kom meiri vindur og völlurinn var að detta í sundur, það sást þegar Viktor var kominn einn í gegn, boltinn festist við lappirnar á honum. Ég vorkenni stuðningsmönnunum því þetta var ekki fótbolti."

Hann segir gott að hafa komið aftur á sínn gamla heimavöll.

„Þetta var ekkert spes fyrir mig, ég skipti um lið og ég er ánægður hjá Víkingum en það var gott að koma til baka til stuðningsmanna sem studdu mig lengi."

Hann var ekki sérstaklega ánægður með eigin frammistöðu en tekur fram að enginn hafi spilað sérlega vel í dag.

„Ég hefði verið það ef Viktor hefði skorað úr færinu, maður vinnur í 90 mínútur til að fá þetta eina færi. Það spilaði enginn vel í dag fyrir utan Dofra og varnarmennina."

Við spurðum Gary, sem er enskur, hvað honum fannst um að Leicester hafi orðið enskur meistari.

„Þetta er ótrúlegt fyrir fótboltann, þetta sýnir að peningar eru ekki allt. Þeir munu breyta fótboltanum og það verður áhugavert að sjá hvað liðin gera. Vonandi getur Víkingur orðið íslensku Leicester."

Viðtalið má sjá í heild sinni hér að ofan.