Pepsi-deild karla heldur áfram að rúlla í dag, en í gær fóru fram fjórir leikir.

Í dag fara fram tveir aðrir leikir og hefjast þeir báðir klukkan 19:15, en annar þeirra er sýndur í beinni á Stöð 2 Sport.

Það er leikur KR og Víkings R. en leikurinn fer fram á Alvogenvellinum í Vesturbænum. Gary Martin, núverandi sóknarmaður Víkings og fyrrverandi sóknarmaður KR snýr því aftur á sinn gamla heimavöll í fyrstu umferð.

Auk þessa leiks er leikur Stjörnunnar og Fylkis í Garðabænum, en hann hefst á sama tíma. Fótbolti.net spáir Stjörnunni öðru sætinu þetta árið, en Fylki er spáð því sjöunda.