Franck Kessie og Filippo Falco gerðu mörk Cesena sem lagði Pro Vercelli að velli í 39. umferð ítölsku B-deildarinnar.

Hörður Björgvin Magnússon lék allan leikinn í hjarta varnarinnar hjá Cesena sem uppskar gríðarlega mikilvægan sigur.

Með sigrinum er Cesena komið í sjöunda sæti deildarinnar, en þriðja til áttunda sæti veitir þátttökurétt í umspili um að komast upp í A-deildina.

Cesena er í baráttu við Spezia, Entella og Novara um þrjú laus umspilssæti, sem þýðir að eitt af þessum fjórum félögum missir af umspilinu.