Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 02. maí 2017 16:32
Elvar Geir Magnússon
Ragnar Þór fótboltamaðurinn sem dæmdur var fyrir kynferðisbrot
Ragnar Þór Gunnarsson.
Ragnar Þór Gunnarsson.
Mynd: Tindastóll
Sóknarmaðurinn Ragnar Þór Gunnarsson er fótboltamaðurinn sem dæmdur var fyrir kynferðisbrot gegn stúlku undir lögaldri og Vísir fjallaði um fyrir helgi.

Dómurinn hefur verið birtur á dómstólar.is.

Ragnar er 22 ára gamall en var tvítugur þegar brotin átti sér stað. Hann er fyrrum leikmaður Vals og Selfoss en leikur í dag fyrir Tindastól og skoraði 9 mörk í 15 leikjum í 3. deildinni í fyrra.

Ragnar var dæmdur í þriggja mánaða skilorðsbundið fangelsi auk þess að þurfa að greiða brotaþola hálfa milljón. Hann er á skilorði í tvö ár.

Samkvæmt ákæru var Ragnari gefið að sök að hafa áreitt stúlkuna, sem þá var 15 ára, kynferðislega með því að hafa snert rass hennar, utanklæða og í framhaldinu ítrekað sent henni gróf kynferðisleg skilaboð í gegnum Snapchat. Var hann meðal annars ákærður fyrir skilaboð þar sem hann bað stúlkuna um að stunda kynlíf með sér og sendi henni að minnsta kosti í eitt skipti mynd af kynfærum sínum.

Í dómnum kemur meðal annars fram:

„Á meðal gagna málsins eru skjáskot af hluta fyrrgreindra samskipta. Ákærði hefur borið að hann hafi átt frumkvæði að þeim og sent brotaþola beiðni um að samþykkja sig sem vin á snapchat en notendanafn hans var þá C. Samskiptin ganga fyrst út á það að brotaþoli reynir að átta sig á því hver standi á bak við vinabeiðnina en það gerist fljótlega þegar ákærði segir að hann þurfi að viðurkenna að hann hafi snert rassinn á henni „viljandi í sjoppunni“. Hann hafi snert „rétt svo“ með hendinni. Þá spyr brotaþoli „Hahah afhverju gerðir þú það“ en þá svarar ákærði „Langaði haha“. Svarar brotaþoli þá með þremur spurningarmerkjum og ákærði segir þá „var samt að labba framhjá þér og þetta var mjög lúmskt“. Þessu svarar brotaþoli með því að segja „Hahaha“. Þá vísar ákærði til þess á öðrum stað í samskiptunum að um helgina í [...] hafi hún labbað um í innanundirbuxur. Spyr hann hvort hún hafi verið í nærbuxum undir þeim eða bara nakin. Þá segir hann „Haha shit hvað ég horfði mikið a rassinn þinn og pikuna Hahaha. En ertu laus nuna:)?“ Þessu svarar brotaþoli, „Haha Gerðirðu það?“

Dómsorðin:
Ákærði, Ragnar Þór Gunnarsson, sæti fangelsi í þrjá mánuði en fresta skal fullnustu refsingarinnar og falli hún niður að liðnum tveimur árum frá uppkvaðningu dóms þessa haldi ákærði almennt skilorð 57. gr. almennra hegningarlaga nr. 19/1940, sbr. 4. gr. laga nr. 22/1955.
Ákærði greiði A 500.000 krónur ásamt vöxtum, skv. 1. mgr. 8. gr. laga um vexti og verðtryggingu nr. 38/2001, frá [...] 2015 en síðan með dráttarvöxtum, skv. 1. mgr. 6. gr., sbr. 9. gr. sömu laga, frá 10. mars 2017 til greiðsludags.
Ákærði greiði málsvarnarlaun skipaðs verjanda síns, Ingólfs Vignis Guðmundssonar hdl., 570.400 krónur, þóknun réttargæslumanns brotaþola, Evu Hrannar Jónsdóttur hdl., 494.450 krónur, og 82.500 krónur í annan sakarkostnað.

banner
banner
banner